گود كازا//

كاين واحد الحمام سميتو “حمام النزالة” فالمدينة القديمة فكازا داخل حتى هو فالهدم اللي كاتعرفو هاد المنطقة من الدار البيضاء.

https://www.facebook.com/share/v/16Fqq34Dwc/?mibextid=wwXIfr

الحمام جا فزنقة “موحا وسعيد” فالمدينة القديمة برا الصور، وهي البلاصة اللي بادي فيها الترياب اليوم الاثنين، والسلطات خرجو السكان بعدما عطاوهم استافدو من البديل وخداو برطمات جداد نقيين كايحفظو كرامة المواطن.

ونرجعو لحمام النزالة، وحسب شهادات خداها جورنال “گود” من عند شي ناس خدامين فيه فقلب الحمام نيت، راه هاد الحمام يقدر تكون عندو شي 2 قرون، وكانو كايجيو يقصدون التجار والناس اللي كايجيو لكازا باش يغسلو ويكمدو عظامهم، وداكشي علاش تسمى بالنزالة نسبة للنزل وهذا الشي حسب ما قال واحد السيد خدام فيه.

وزاة الثقافة اللي على راسها الوزير مهدي بنسعيد راه خصهوم يبادرو وينسقو مع السلطات قبل اي عملية هدم فأي مدينة، باش إلى كانت شي بلاصة بحال هادي تدار عليها الخبرة، والى كانت شي معلمة ولا آثار عندهم قيمة تراثية يتم الحفاظ عليها، وبحال هاد الحمام اللي فالمدينة القديمة راه خاص الوزارة تكون ديجا على بال به وببلايص بحالو وتتأكد واش نيت عندو هاد العمر وهاد القيمة الأثرية ولا ما عندوش وماشي مشكل إلى تهدم.