كود كازا ///
علمت “كود” أن المدير العام لدوزيم سليم الشيخ طلب من وزارة التشغيل لي فيها يونس السكوري التمديد لسنتين لمدير الأخبار لي غاد يتقاعد فالشهر الجاي، والطلب مزال معلق عند السكوري. التمديد لمدير الأخبار خلق هذا حالة احتقاء كبيرة داخل مديرية الأخبار لأن عدد من الشباب كيحسو براسهم مقصيين. باغيين حتا هوما تعطاهموم فرصة.
اكثر من واحد فيهم استغرب فتصريحات لـ”كود” وقال “كيفاش يدار التمديد لساعدني. علاه ما كاينش كفاءات. ما كاينش أجيال اخرى”، صحافي آخر قال لـ”كود” باللي ساعدني خاصو التقاعد ويتمتع بوقتو. يدوز تجاربو للطلبة فالمعاهد كي كيدير ويلقى الوقت الكافي للمجلس الوطني للصحافة. راه خدمة كبيرة وخاضها جهد كبير.
مصادر “كود” قالت باللي الصحافيين فدوزيم كيتسناو من وزير التشغيل يونس السكوري باش يبلوكي هاد التمديد كما يطالبون من الرئيس المدير العام فيصل لعرايشي بالتدخل لوقف هذا التمديد لأنه مكاينش غير هاد المدير لي وصل ستين عام، وأضافت مصادر “كود” على الأقل يعين شي شاب بحال كيفما كاين الشاب ياسين الإدريسي على رأس مديرية الأخبار في القناة الأولى لي عندها ثقل تاريخي ويومي كبير.
وأضافت مصادر “كود” “دابا الكرة عند الشيخ والعرايشي والسكوري وبنسعيد لوقف هاد المهزلة ديال التمديد.