الرئيسية > آراء > وا راها خلات على وزارة العدل و”الحريات” لا كانو مازال شي محامين كايتقابسو الهضرة ديالهم من القاموس ديال الدولة الدينية ” اللواط” و “فعل قوم لوط” و باغين مثلي يتشد غا حيت مثلي ! فحالا كنتي مثلي فالمغرب راه هانية يشدوك يغتاصبوك و ماغادخلش الدولة باش تحميك!
25/05/2020 11:00 آراء

وا راها خلات على وزارة العدل و”الحريات” لا كانو مازال شي محامين كايتقابسو الهضرة ديالهم من القاموس ديال الدولة الدينية ” اللواط” و “فعل قوم لوط” و باغين مثلي يتشد غا حيت مثلي ! فحالا كنتي مثلي فالمغرب راه هانية يشدوك يغتاصبوك و ماغادخلش الدولة باش تحميك!

وا راها خلات على وزارة العدل و”الحريات” لا كانو مازال شي محامين كايتقابسو الهضرة ديالهم من القاموس ديال الدولة الدينية ” اللواط” و “فعل قوم لوط” و باغين مثلي يتشد غا حيت مثلي ! فحالا كنتي مثلي فالمغرب راه هانية يشدوك يغتاصبوك و ماغادخلش الدولة باش تحميك!

سهام البارودي – كود//

مؤخرا جوج ديال الاحداث حضرت ليهم خلاوني نتأكد انه بصح القراية و الوصول لشي مناصب فالمغرب راه ماشي معيار للوعي و للرقي فالتفكير ! تقدر تلقا بنادم واااصل فالقراية و لكن ناعس ليه حمار فدماغو و هادشي لي بان ليا مؤخرا فواحد الگروب ديال دكاترة الاسنان لي حط فيه واحد الطبيب منشور كايتسائل فيه على جدوى انه العيالات الدونتيستات يخدمو و رجالاتهم خدامين عليهم ! علاش مايجلسوش فديورهم ؟! و المنشور الثاني ديال واحد المحامي لي كايتسائل كيفاش مثلي يقدم شكاية ديال الاغتصاب و يتفتح فيها تحقيق ؟! زعما لا كنتي مثلي فالمغرب غي تغتاصب هانية ما عندك ماتصور ! يتم الاغتصاب ديالك و التمرميد ديالك و هانية ! نتا ماعندك حقوق ! مامحسوبش مواطن و ماخاصش الدولة تاخد ليك حقك !

مافهمش هاد الناس هادو منين جاو ؟ فين كبرو ؟! وواش ماكايتفرجو فتلفزة ! ماكايسمعو خبارات ؟ ماملاحظينش بأنه العالم كامل غادي نحو اعطاء مجال اوسع للحريات الفردية و بأنه الدولة الحديثة هي دولة مواطنين ! كاتعتارف بيك كمواطن و كفى ! ماسوقهاش هي فشنو كادير بترمتك و لا اشمن دين كاتعتانق !

ولكن اللومة ماشي على المحامي ! المحامي راه غير وجه مشوه من اوجه النفاق السياسي لي كاتمارسو الدولة لي كاتلعب على وتر الدين فاش كايسلكها باش تجر الشحيمة لشعيبة ووتر الحداثة فاش كاتكون باغا دير الماركوتيغ لراسها قدام الاتحاد الاوروبي و المنظمات الدولية ! المحامي راه غي صوت للقانون لي كايجرم لحد الساعة العلاقات المثلية ! و طول ما الدولة ماباغش تحسم فهاد المسألة و كاتنقز بين الحبال بجوج طول ما غايخرجو لينا ديما اطر و دكاترة و مهندسين و محامين قارين و ووصلو لمناصب عليا و لكن الدماغ مطمس بالافكار الظلامية و الاقصائية تجاه الآخر !

واش كاينة شي دولة حديثة بعقلها مازال كاتجرم المثلية و كادخل لعباد الله فتراميهم !؟ واش كاينة مازال شي دولة محترمة كاتدخل لعباد الله فمعتقداتهم الدينية ؟! ماكانظنش ! الليستة ديال الدولة لي مازال كاتحارب الحريات و تعاقب العلاقات الجنسية للاشخاص و تتحاسب مع مواطنيها على شنو كايديرو بتراميهم راها جامعة غي النطيحة و المتردية و ما اكل السبع ! الدول ديال الله يحسن العوان لي ماكايقدوش يگابلو مصالح المواطنين و يحسنو ليهم المعيشة و يقلبو ليهم على تعليم احسن و صحة احسن و يرقاو بيهم … و باش يبانو راهم خدامين كايقابلو الحياة الشخصية للافراد!

هادشي علاش المغرب خاصو يقرر و يوضح النموذج ديال الدولة لي باغي يبني فالمستقبل حيت مايمكنش نبقاو عايشين بموديل هجين ماحنا مع صحاب السما ماحنا مع صحاب الارض ! مايمكنش فاش نديرو الاشهار للمغرب نصورو موروكومول بالدرون و متحف محمد السادس و ميناء طنجة ميد و الباراجات و الجسور و فيستيفال موازين و الموسيقى الروحية و الملك ديالنا كايقولينا ” انا أمير المؤمنين باختلاف دياناتهم” و كايحذرنا من الارهابين لي كايهاجمو الحريات فاش كايقول ” ان الارهابيين يستعملون كل الوسائل لضرب المجتمعات المتشبعة بقيم الحرية و الانفتاح و التسامح”
و فاش نجيو لارض الواقع نلقاو محامي منتمي لوزارة سميتها ” وزارة العدل و الحريات” كايهضر على مثلي فحالا غي حيت مثلي راه ماعندو حق تحميه الدولة و توفر ليه العدالة.

موضوعات أخرى

06/07/2020 17:24

قانون المالية التعديلي 2020: توقع يوصل عجز الميزانية لـ7,5 فالمائة.. وتراجع الناتج الداخلي بـ %5.. وها كيفاش باغيا الدولة تحافظ على مناصب الشغل

06/07/2020 17:15

الوضعية الوبائية لفيروس كورونا فهاد 24 ساعة: 164 تصابو و448 تشافاو و2 ماتو.. الطوطال: 14379 حالة منها 10173 مشا منهم الفيروس و237 توفاو و3969 مازال كيتعالجو

06/07/2020 17:00

صادق عليها المجلس الوزاري.. توجهات قانون مالية تعديلي: سعر فائدة مافيتش 3,5% ومدة سداد تعادل 7 سنوات مع إعفاء لمدة سنتين وضمان من طرف الدولة يتراوح بين 80% و90% تال 95% بالنسبة للمقاولات الصغيرة جدا

06/07/2020 16:15

التقشف والغاء التوظيفات ولكريدي من الخارج ومواجهة التوتر الاجتماعي..مشروع قانون مالية تعديلي ف ظرفية صعيبة غايدوز غدا فالمجلس الحكومي