كود سعاد زرار ///

بوسة قلبات المغرب. حسب الصحافة الاسترالية “ذو اوستراليان” وقبلها الصحافة الانگليزية “دايلي ميل” فالامر يتعلق بالملايري الاسترالي اندرو فورست كيبوس فباريس وزيرة الطاقة ليلى بنعلي فباريس الويكاند اللي فات.

هاد اندرو هو رئيس شركة فورتيكيو. زار المغرب شهر فبراير اللي فات وتلاقى بالوزيرة فباريس باش كانت فمهمة وزارية وفيها صور شي بابارادزي الصورة الشهيرة باش كانو فالدائرة 4 الباريسية٬ حسب نفس وسائل الاعلام.

هاد “فورتيكيو” علنات على مشروع مشترك مع المجمع الشريف للفوسفاط فابريل باش يوزدو بالهيدروجين الاخضر والأمونيا والأسمدة، محليا ولأوروبا.
‎
‎يعني القضية ما عندها علاقة ببوسة. حتى صحافة الپيبل البريطانية والاسترالية ركزات على تضارب المصالح.

فالمغرب القضية خاصها تكون هاد تضارب المصالح. خاص تحقيق تفتحو النيابة العامة فيه نقطة وحدة، واش الوزيرة بهاد الصفة لعبات دور باش هاد الملايري الاسترالي خدا صفقات فالمغرب. واش عطاتو معطيات سرية ووثائق غير مسموح بالاطلاع عليها باش ياخد المارشيات فبلادنا.

خاص البحث يشمل حتى واش كان عندها دور باش خدا مارشي الفوسفاط؟

هادا هو المهم. اما تبوسو فالدائرة 4 او حتى فتور ايفيل حقها هاداك تمارسو بالطريقة اللي كتشوفها مناسبة.

خاص التركيز على المصالح ولا شي غير المصالح. واش الشخصي كان طريق للمصالح. الشخصي كان بوسة او تعنيقة او اي حاجة