كود الرباط//
حصلت “كود” على صور جديدة تؤكد بلي السلطات العمومية هزات الرايا البيضا قدام محتلي الملك البحري، وللي كيشوهو بجمالية الشواطئ، خصوصا في الشمال.
هاد الصور لي توصلت بها “كود” من شاطئ الدالية الجملية، مسيئة بزاف لدرجة أن بعض المصطافين ملقاوش فين يجلسو ويرتاحو، منهم لي قرر يخوي مدينة طنجة بسباب هاد الاحتلال غير القانوني للملك البحري.
كراسا وطوابل مستفين فهاد الشاطئ، وطبعا لي دايرين هادشي بشكل غير قانوني ممسوقين لا الوالي الجديد ولا للعامل ولا للباشا ولا للقايد، حيث أصلا مخلينهم يديرو مبغاو.
تشويه صورة وجمالية الشواطئ كيتحملو فيه المسؤولين أولا السلطات المحلية، وثانيا المنتخبين لي مكيديروش خدمتهم في إطار القانون وصلاحيات الشرطة الادارية ومراسلات السلطات لتنفيذ القانون.
عدد من الشواطئ ولا بيد مافيا الطوابل والكراسي، والغريب ان هادو لي كيكريو الطوابل وكيحتلو الملك البحري ترفض تكري عندهم البلاصة يقدرو يقلبوها معك سبان وسباط.
