الرئيسية > آش واقع > والي العيون مشا لعند المرضى النفسيين لي جابوهم من بويا عمر
09/03/2019 16:40 آش واقع

والي العيون مشا لعند المرضى النفسيين لي جابوهم من بويا عمر

والي العيون مشا لعند المرضى النفسيين لي جابوهم من بويا عمر

الوالي الزاز -كود- العيون ////
Elouali.zaz.1987@gmail.com

والي جهة الغيون الساقية الحمراء، عبد ااسلام بيكرات، دار لفتة إنسانية مزيانة يوم أم الحمعة فاش مشا لعند المرضى النفسيين لي فمصلحة الطب النفسي بمستشفى الحين بن المهدي فالعيون.

الزيارة كانت مباغتة ومشا طل على هاد المرضى النفسيين لي جابوهم من بويا عمر سنة 2015 وعددهم ستة أشخاص ودوا معاهوم ومع الأطر الطبية دياى المستشفى وسول فحالتهم النفسية لي كلها كانت مزيانة وتعالحو مزيان.

والي جهة العيون تعهد فزيارتو بأنه غادي يشوف ليهوم حل لإدماج هاد الفئة فالمجتمع، لي تنسات وما عمّر شي مسؤول ولا منتخب جا طل عليهوم ولا سول فيهم من باب الإنسانية. وحسب مصادر “كود” فعبد السلام بيكرات وعد باش فالقريب العاجل يهدر على ملفهم مع الجهات الوصية باش يخرجو يمارسو حياتهم بشكل طبيعي من بعد ما يشدو تصريح طبي بسلامتهم العقلية.

موضوعات أخرى