سهام البارودي- كود//

واش كاين شي وازع اخلاقي و لا ديني كايمنع نفس العيالات لي كايديرو روتيني اليومي و يعريو تراميهم فيوتوب و يشتف على الزرابي و الكواش فالسطوحة د السكن الاقتصادي بالكولونات انهم يمشيو يديرو ڤيديوات بورنوغرافية ؟

ماكانظنش ! حيت صافي دوك المراگات ديال الدين و المجتمع و الاخلاق لي يمكن يمنعوهم راه هرسوهم فاش قرروا يعرضو فشالقهم فاليوتوب ! كانظن انه الحاجة الوحيدة لي كاتمنعهم هي الخلاص لي قليل و المنافسة الشديدة من نجمات عالميات و شركات انتاج كبيرة ! البورنو ماكايخلصش مزيان الهواة و البورنو خاصو كاميرتو و ماطيريالو و البورنو فيه منافسة قوية من ممثلات ببزازل مزيرين و ترامي مشدودين و تينات ورديين ! هادشي لي مازال شاد عليه هناء بيوتي و حنان بيوتي و افكار ام حنين لي فراس مالهم ترمة مترترة …

و الى بغينا نهضرو على شي سبب ثاني فغايكون هوا ديك الضبابية لي كاينة فاليوتوب ! المرا كاتلقاها كاتكوز فالڤيديو تاكايبانو ليها عروق السوة و كادور تشوف فالكاميرا واش شداتها مزيان و لا لا و راجلها عارفها علاش كاتكوز و جيرانها عارفينها علاش كاتكوز و هي عارفة راسها علاش كاتكوز و هاكاك فاش كايسولها شي صحافي علاش كاتكوزي تقدر تخرج فيه عينيها و تقوليه ” عادي ! كيفاش بغيتيني نجفف واقفة ؟ ويلي”  ! ” واش هادشي لي كاتمارسي ماشي نوع من انواع الدعارة ؟” ” لااااا يعوذو بالله ! كون بغيت الزنقة كون مشيت ليها ! انا كانلبس فحال گاع العيالات و كاندير فحال گاع العيالات” كايولي الصحفي هوا لي فيه الديفو . في حين لامشات للبورنو طايطاي ماغابقا عندها تا شي تخوفيش تقولو من غير انها تتحمل مسؤوليتها كاملة فشنو كادير و تخرج عينيها و تقول انها كاتمارس البورنو ! سدات مدام !

على داكشي و في انتظار شي كاطيغوري تكون خاصة بالعيالات الملثمات فحال كتائب عز الدين القسام ! عندهم الجلافط و السيلوليت و شي فورمات ديال الدلفين ! في انتظار هادشي يتحقق و يولي البورنو يخلص مزيان راه غانبقاو نشوفو هاد المواهب للاسف محصورين غير فاليوتوب