وكالات //

شدو البوليس فبريطانيا موظفة بغات تكري “قاتل محترف”، باش ينحي بنت خدامة معاها، وهادشي بسباب الغيرة على المدير ديالهم.

جورنال “ديلي ستار” البريطانية قالت بللي الموظفة البريطانية سميتها “ويتني فرانكس” (Whitney Franks) وعندها 26 عام، بغات تكري “قاتل محترف” باش تفضي مع بنت كوليكَ ديالها، خصوصا مللي عرفات بللي الأخيرة عندها علاقة مع مدير المحل اللي خدامين فيه فمدينة “Milton Keynes” النكَليزية.

هاد المدير، سميتو “James Prest”، اللي ضاربو عليه الموظفات هو فالأصل مزوج وعندو جوج وليدات وكان  مصاحب مع البنات بجوج، وكيستاغل الغيرة والصداع اللي بيناتهم ومشبعهم كذوب وأوهام.

وتفضحات الخطة ديال هاد البريطانية مللي حطات بوسط فموقع “فايسبوك” واللي كانت كتطلب فيه لكل غباء ووقاحة خدمات “قاتل محترف” هادشي اللي خلا البوليس يشدوها ومايعطلوهاش.