الرئيسية > آراء > واقيلة مغاربة الفايس باغين يرجعونا لزمان السيبة حيت كالسين كيدافعو على شفارة دفاع مبني على معطيات كاذبة ومع ذلك واقفين في صفها غير حيت شفرات واحد لاباس عليه وبرلماني وعندو معمل ديال البيض
11/01/2021 19:00 آراء

واقيلة مغاربة الفايس باغين يرجعونا لزمان السيبة حيت كالسين كيدافعو على شفارة دفاع مبني على معطيات كاذبة ومع ذلك واقفين في صفها غير حيت شفرات واحد لاباس عليه وبرلماني وعندو معمل ديال البيض

واقيلة مغاربة الفايس باغين يرجعونا لزمان السيبة حيت كالسين كيدافعو على شفارة دفاع مبني على معطيات كاذبة ومع ذلك واقفين في صفها غير حيت شفرات واحد لاباس عليه وبرلماني وعندو معمل ديال البيض

محمد سقراط-كود///

واقيلة مغاربة الفايس باغين يرجعونا لزمان السيبة حيت كالسين كيدافعو على شفارة دفاع مبني على معطيات كاذبة ومع ذلك واقفين في صفها غير حيت شفرات واحد لاباس عليه وبرلماني وعندو معمل ديال البيض، الناس قربوا يطالبو بتأميم المعمل ديالو ويتفرق الإنتاج اليومي ديالو على المعوزين والخيريات، حقد كثير وخايب على لي لاباس عليهم، وخصوصا على لي لاباس عليهم وكيديرو السياسة هادوك كيكون الحقد عليهم زايد نغزة حيت هادوك في المخيلة الشعبية هوما كروش لحرام شخصيا، راه عادي تحقد على واحد لاباس عليه، وعادي أن المغربي يحس ديما بأنه كيستحق الفلوس والعيشة لي عند الآخر لي لاباس عليه، بل كاين شي وحدين غير حيت عندهم شهادة عليا كيحسو براسهم كيستحقو الفلوس والمنصب وأن الحياة والمغرب ضايعين فيهم ومتافقين عليهم باش يحطموهم، والبلاد كتعطي غير للأميين الى آخر داك الموال.

البرلماني الزعيم مول البيض غير حيت لاباس عليه تحول من ضحية لعملية سرقة لمجرم وشفار وقلبو قاصح وقليل الإيمان وفاش جاتو سطاش لبيضة، وغادي يسيفط للحبس مرة بربعة دلولاد للحبس، وحشومة عليه وجيعان ومكانش يدير هادشي، في اللخر طلعات السيدة سارقة كثر من عشرالاف بيضة، وخدامة بكاع القوانين ديالها، وفآخر كل شهار كيتعطاها جوج بلاطوات ديال البيض ووالماكلة على حساب المعمل، إلى كان هادشي لي قال الزعيم بصح فراه خاص تعطاع جائزة ديال المشغل المثالي، السيد موفر للخدامة ديالو ظروف عمل مخيرة معندهم مناش يتشكاو، لي واضح هو أن السيدة يدها خفيفة وكشطات السيد في عشرالاف بيضة وكانت مازال زيد تشفر كون ماحصلاتش، ومع ذلك كان مظطر الزعيم هو لي يخرج في الإعلام ويبرر الموقف ديالو لأنه تعرض لهجمة لا اخلاقية شعارها يمكن للحازقين يسرقو من لمرفحين حيت ماجاتهم في والو.

بما أن الرأي بحال تقب المؤخرة أي واحد عندو، وبما أن الفايس أغلب لي كيظلو يعطيو رأيهم في أي حاجة هوما ذكور مقاتلين مع الوقت، فراه ديما كاين واحد اللوم كبير للضحية في حالة كانت مرأة وخصوصا زوينة وقارية أو كانت الضحية لاباس عليها ومن طبقة اجتماعية أرقى، داك الساعة واخا تكون الضحية تعرضات للتنكيل والتعذيب والتمثيل بالجثة غادي يلقاو مبرر للمجرم ويلومو الضحية، آش دوزها من تم آش خرجها فداك الساعة هي لي لابسة هكاك، هادوك غير فلوس لحرام لي داوليه، هو ممخلصش الخدامة فراه خاصهم يشفروه، وهادو ملي يبدى يهدر معاك راه كيحساب ليه راسو قمة المنطق والعدل في الموقف وهو محركو غير الحقد، سرقة معتارفة بيها مولاتها عند البوليس ومع ذلك لقاو ليها مية مبرر ولصقو ليها ولاد جيعانين في الدار ماوالداهمش وردوها بحال جان فالجان شفارة غير باش تسد جوع وليداتها، والسيدة في الواقع ماخاصها تاخير ويدها خفيفة راه القانون غادي يتكفل بيها.

موضوعات أخرى

27/01/2021 15:50

أي حاجة وقعات خاص يجبدو المغرب.. وزارة الدفاع ديال نظام العسكر فالدزاير: حجزنا اكثر من 4 قنطار ديال الكيف كانت داخلة من المغرب

27/01/2021 15:30

مجلس الأمن الدولي اعتامد رسالة السفير المغربي عمر هلال لي كذّب فيها مغالطات جنوب أفريقيا كوثيقة رسمية للمجلس – مراسلة

27/01/2021 14:30

عكس “الكاليبر الكبير” اللي عينات اسرائيل فمكتبها فالرباط.. وزارة الخارجية قدمات مرشح ضعيف لرئاسة مكتب الاتصال ف تل أبيب ومصدر لـ”كَود”: هذا واحد من المتملقين ومحسوب على بوريطة وماشي ديالو هاد المنصب الاستراتيجي