كود سبور//

قررو وداد تمارة اللي كيلعبو فالهواة، يديرو لعاب من الفريق كمدرب جديد فبلاصة المدرب الحسين أوشلا اللي تفارقو معه قبل أيام.

وكيتعلق الأمر باللاعب الدولي السابق عبد السلام بنجلون، واللي حولوه وداد تمارة من لاعب إلى مدرب، وتوصلو معه إلى اتفاق رسمي للإشراف على تدريب الفريق الأول ودارو معه اليوم اجتماع واتفقو على عقد كيمتد حتى نهاية الموسم قابل للتجديد.

وكان عبد السلام بنجلون درب وداد تمارة السيمانة اللي فاتت، ضد فريق جمعية المنصورية وربح الماتش.