الرئيسية > آش واقع > واش يقدرو يمشيو بعيد ويخرجو من الحكومة؟..بركة دعا لاجتماع اللجنة التنفيذية لحزب الاستقلال فسياق الزلزال وغيابو من جلسات القصر
25/09/2023 09:00 آش واقع

واش يقدرو يمشيو بعيد ويخرجو من الحكومة؟..بركة دعا لاجتماع اللجنة التنفيذية لحزب الاستقلال فسياق الزلزال وغيابو من جلسات القصر

واش يقدرو يمشيو بعيد ويخرجو من الحكومة؟..بركة دعا لاجتماع اللجنة التنفيذية لحزب الاستقلال فسياق الزلزال وغيابو من جلسات القصر

احمد الطيب كود الرباط//

قال عضو في اللجنة التنفيذية لحزب الاستقلال، لـ”كود”، :”وأخيرا سيتم عقد لقاء اللجنة التنفيذية للحزب بعد صوم طويل عن عقد اللقاءات بسبب العطلة الصيفية وضعف قوة الأمانة العام بزعامة نزار بركة”.

وتوصل أعضاء اللجنة التنفيذية بإخبار من الأمين العام نزار بركة، يؤكد فيه أن اجتماع اللجنة التنفيذية لحزب الاستقلال سينعقد يوم الإثنين 25 شتنبر 2023 على الساعة الخامسة (17:00) مساء بدل الرابعة، بالمركز العام للحزب بالرباط. الاجتماع غايكون حول ثلاثة نقط :
1- زلزال الحوز والبرنامج الاستعجالي لإعادة التأهيل والإعمار
2- اجتماع الأغلبية الحكومية
3- الدخول السياسي والبرلماني.

أهم نقطة مكايناش واللي هي مؤتمر الحزب، فيها خلافا كبير بين جوج تيارات، الاول ديال فاس والداخل والثاني ديال حمدي ولدي الرشيد واللي معه جميع مسؤولي الهيئات الموازية تقريبا بما فيهم مسؤولي جهة الدار البيضاء. دبا دازت ثلاث دورات للمجلس الوطني لحزب الاستقلال مدارتش فالوقت ديالها وفق القوانين الداخلية للحزب. حزب بلا مؤتمر، كيقودو وزير التجهيز اللي محضرش لأي جلسة من جلسات تدبير الزلزال اللي ترأسها سيدنا.

المثير فلائحة المسؤولين اللي كيحضرو جلسات العمل اللي دارت فالقصر الملكي وللي لحد الان وصلات ثلاث جلسات واللي كيرأسها رئيس الدولة هو غياب الاستقلالي نزار البركة بصفتو وزير لقطاع غاية فالاهمية للي هو التجهيز والماء. يشار فهاد الجلسات للي ترأسها الملك كيف قلنا حضرها فالاضافة الى رئيس الحكومة عزيز اخنوش ومستشار الملك فؤاد عالي الهمة كل من ووزير الداخلية عبد الوافي لفتيت، ووزير الأوقاف والشؤون الإسلامية أحمد التوفيق، ووزيرة الاقتصاد والمالية نادية فتاح، ووزيرة إعداد التراب الوطني والتعمير والإسكان وسياسة المدينة فاطمة الزهراء المنصوري، والوزير المنتدب لدى وزيرة الاقتصاد والمالية المكلف بالميزانية فوزي لقجع، والفريق أول محمد بريظ المفتش العام للقوات المسلحة الملكية وقائد المنطقة الجنوبية”.

موضوعات أخرى

05/12/2023 06:00

حماس كترفض اتهامها بـ”العنف الجنسي” في هجوم 7 أكتوبر والشرطة الإسرائيلية كتدرس الأدلة للي عندها على هاد الشي

05/12/2023 03:00

مرض جديد ف الشينوا كيضرب الدراري الصغار خالع العالم والصحة العالمية طلبات من بيكين تقارير صحيحة عليه