اسماء غربي – كود//

غضب عارم كيخيم على بلدة الرماني اللي كاينة على بعد 80 كيلومتر من العاصمة الرباط.

أمطار غزيرة تهاطلت على مركز الرماني مساء أمس الأربعاء تسببت في وفاة تلميذ كيقرا فالمستوى الاعدادي.
التلميذ اللي مات مقدرش يقاوم سيل جارف ديال مياه الامطار تجمعات فاقل من ساعة ديال التساقطات.

وفاة هاذ التلميذ كتحمل المسؤولية. ديالها مديرية الخميسات اللي مطالبة توجد قسم داخلي لهاذ التلاميذ اللي كيجيو من مناطق بعيدة بمسألة كتراوح بين 6 و 10 ديال كيلومترات.
من غير هاذ الشي الاباء كيطالبو بتوقيت مناسب لهاذ الوضعية على الاقل ففصل الخريف و الشتاء.

استمرار اغلاق دار الطالبة حتى هو زاد محنة التلاميذ اللي كيقطعوا مسافات طويلة باش يقراو فالوقت اللي كلشي كيتفرج فهاذ الوضع.