الرئيسية > آش واقع > واش هذا كامل خوف من مرشح الأحرار؟ وهبي طار لسيدي يحيى واجتماع عاجل داروه مرشحين ديال الأحزاب لمواجهة صبري ديال “الحمامة”
06/09/2021 16:30 آش واقع

واش هذا كامل خوف من مرشح الأحرار؟ وهبي طار لسيدي يحيى واجتماع عاجل داروه مرشحين ديال الأحزاب لمواجهة صبري ديال “الحمامة”

واش هذا كامل خوف من مرشح الأحرار؟ وهبي طار لسيدي يحيى واجتماع عاجل داروه مرشحين ديال الأحزاب لمواجهة صبري ديال “الحمامة”

كود الرباط//

هادشي غريب وعجيب في دائرة نفوذ “آل الراضي”..الروينة نايضة من النهار للي اعلن حزب التجمع الوطني للأحرار عن ترشيح الشاب أنوار صبري، إبن مدينة سيدي يحيى الغرب، للي اعطى انطلاقة الحملة من داخل الحي الصفيحي “دوار الشانطي”، للي اليوم فيه مقر ديال الحزب.

المخاوف ديال أبرز الأحزاب كبيرة في هذه الدائرة، للي “آل الراضي” دايرين فيها “الشطرنج”، وخايفين من أنوار صبري يخربق اللعب بالمزيان، لاسيما في ظل الدعم القوي لساكنة إقليم سيدي سليمان وجماعة سيدي يحيى لهذا الشاب، المدعوم بقوة من طرف عزيز أخنوش للي نزل عندو ووجه للساكنة رسائل ديال الأمل من أجل إقليم جديد..ومغاديش يتنسى التصريح ديالو “معامل ديال 5 نجوم ومدينة من نجمة واحدة”.

الحاصول، النهار الأول من الحملة نزل سعد الدين العثماني للي ماعمرو مشا لسيدي سليمان منذ أن أصبح رئيس الحكومة..واليوم عبد اللطيف وهبي نزل لسيدي يحيى الغرب، التي تعتبر قلعة انتخابية ديال أنوار صبري..ولكن العجيب والغريب هو واحد الاجتماع داروه عدد من المرشحين، بإيعاز من واحد الطرف سياسي نافذ، والهدف ديالو هو وقف زحف “أنوار صبري”، للي كيوصفوه بعض المرشحين بأنه “ماكينة ديال الحصاد”..

طبعا وجود شاب لا يعاني من “اللهطة” وجاي للمدينة ديالو باش يخدمها، ويواصل المجهود للي بداه منذ سنوات عدة، بدا كايهدد صحاب المصالح، لاسيما من حاشية الراضي…للي باين هو أن الطرح اسخن مزيان، وكولشي خايف من الأحرار يدير ميسة.

موضوعات أخرى

19/09/2021 22:00

الفراقي المغربية تعرفات على خصومها فالمنافسة الإفريقية.. الوداد والرجاء ضد هاد الفريقين.. والجيش وبركان ف مواجهة مغاربية خالصة