الرئيسية > آراء > واش هاد الناس بغاو يرضونا فحال مصر ؟ لي فينما شي محامي مايعجبوش شي عمل فني و لا اللباس ديال شي فنانة ينوض يرفع عليهم دعوى قضائية و يطالب بتوقيف العمل ؟ انتكاسة كبيرة هادي باش يبان عندنا تاحنا امثال ” نبيه الوحش”
30/04/2021 16:00 آراء

واش هاد الناس بغاو يرضونا فحال مصر ؟ لي فينما شي محامي مايعجبوش شي عمل فني و لا اللباس ديال شي فنانة ينوض يرفع عليهم دعوى قضائية و يطالب بتوقيف العمل ؟ انتكاسة كبيرة هادي باش يبان عندنا تاحنا امثال ” نبيه الوحش”

واش هاد الناس بغاو يرضونا فحال مصر ؟ لي فينما شي محامي مايعجبوش شي عمل فني و لا اللباس ديال شي فنانة ينوض يرفع عليهم دعوى قضائية و يطالب بتوقيف العمل ؟ انتكاسة كبيرة هادي باش يبان عندنا تاحنا امثال ” نبيه الوحش”

سهام البارودي – كود//

كإنسانة كانت مبلية بأخبار الفنانين المصريين ففترة المراهقة ! كنت كانسمع بزاف بواحد المحامي سميتو “نبيه الوحش” لي محطم الروكور فعدد الدعاوى القضائية لي كايرفع على الفنانين ! ها نبيه الوحش يهاجم نبيلة عبيد ! نبيه الوحش يرفع دعوى قضائية على الهام شاهين ! السيد كان غي لاماعجبوهش حوايج ممثلة فشي فيلم كاينوض يجري يحط بيهم شكاية و كنت كانقول الحمد لله على نعمة المغرب لي واخا يا الله كانحبيو تاحنا فمجال الحقوق و الحريات و لكن ماوصلناش لهاد النيڤو.

حتى لمؤخرا كانتصدم فاش كانسمع بمحامي كايرفع دعوى قضائية لاش ؟ حيت حقا و الواد ماعجبوش كيفاش شخصية محامي كاتبان فواحد السلسلة!فحال هاد الاخبار لي مستحيل تسمعها فشي دولة متقدمة كاتحتارم الابداع !

راه مصيبة كبيرة هادي انه المحاماة ! لي ولدات لينا أطر حزبيين و حقوقيين و ناس من ديما و هوما كايدافعو على الحريات و الحقوق فالمغرب نلقاو وسطها ناس كاتفكر بهاد الطريقة و باغا تلتجأ للقضاء لاش؟ باش آ سيدي توقف عمل فني ! و توضع قيود على الابداع!

الابداع يا دين الرب ! الابداع غايتحبس علاش ؟ حيت الشخصية مايعجباتش واحد الشخص ! يعني غدا و لا بعدو لا درنا مسلسل فيه طبيب شفار راه غاينوضو الاطباء يطالبو بتوقيف المسلسل و لا درنا مسرحية فيها قاضي مرتشي راه خاص القضاة يطالبو بتوقيف المسرحية و لا درنا معلم كسول خاص ينتافضو المعلمين و هاكا غانبقاو نديرو انتاجات فنية فيها كلشي زوين و كلشي ولد الناس باش تاواحد مايتقيلق لينا ! طز يا النقاش طز ! طز يا الحرية طز ! على هاد الحساب غي نسدو السينيما و لا مسرح و لا تلفزة و نمشيو نبيعو البتيخ

وا ابدعنا بكري معاكم آ عباد الله !  يا الله المستوى ديال الانتاجات الفنية فالمغرب بدا كايتحسن شوية بالشوية و فحال هاد الفعايل راه كاتزيد تقودها على الابداع فهاد البلاد.

موضوعات أخرى

13/05/2021 18:30

منشور “فايك” تداولوه الإعلام على استمرار تعليق الرحلات مع 54 دولة.. ومسؤول فالمكتب الوطني للمطارات لـ”كود”: ماصدرنا حتى بلاغ اليوم

13/05/2021 16:30

ها درو على مراسلات “البي بي اس”. “بوديموس” المشارك فالحكومة على قضية غالي: نستقبلو اللي بغينا والمغرب خاصو يحتارم سيادتها وما يدخلش فقراراتها

13/05/2021 16:00

هاد العام رمضان خرج بشباب تشدو دوزو ربعة وعشرين ساعة في الكوميسارية ومتابعين في حالة سراح حيت تقهواو في قهوة أصلا حالة في رمضان بنهار.. جريمة مافيهاش ضحية من غير الجاني لي كتعتابرو الدولة أظلم في حق نفسه وهي مسؤولة على أن ترده عن غيه