الرئيسية > آراء > واش هاد السلفيين المغاربة باغين يسدو الفم لأي واحد كايقول شي حاجة ماعاجباهمش؟ جاب ليا الله فحالّا نساو بلي هوما سباب احداث سطاش ماي الارهابية لي ماتو فيها المغاربة شهداء ! رجعو للضسارة ديالهم القديمة و ولاو باغين يديرو الرقابة على الفن و الاعلام ! من بعد مسلسل المكتوب هاهوما بداو كايهاجمو على فيلم “الإخوان” قبل حتى مايتعرض فالسينيما
09/05/2022 16:00 آراء

واش هاد السلفيين المغاربة باغين يسدو الفم لأي واحد كايقول شي حاجة ماعاجباهمش؟ جاب ليا الله فحالّا نساو بلي هوما سباب احداث سطاش ماي الارهابية لي ماتو فيها المغاربة شهداء ! رجعو للضسارة ديالهم القديمة و ولاو باغين يديرو الرقابة على الفن و الاعلام ! من بعد مسلسل المكتوب هاهوما بداو كايهاجمو على فيلم “الإخوان” قبل حتى مايتعرض فالسينيما

واش هاد السلفيين المغاربة باغين يسدو الفم لأي واحد كايقول شي حاجة ماعاجباهمش؟ جاب ليا الله فحالّا نساو بلي هوما سباب احداث سطاش ماي الارهابية لي ماتو فيها المغاربة شهداء ! رجعو للضسارة ديالهم القديمة و ولاو باغين يديرو الرقابة على الفن و الاعلام ! من بعد مسلسل المكتوب هاهوما بداو كايهاجمو على فيلم “الإخوان” قبل حتى مايتعرض فالسينيما

سهام البارودي – كود//

هاد الايام كانحس بلي النيڤو ديال الضسارة ديال السلفيين ولا اكثر و اقوى من قبل 2003، ولاو باغين يفرضو الرقابة ديالهم على كلشي و بالخصوص الاعلام و الفنّ بلا حشمة بلا حيا و يسكتو جميع الأصوات المخالفة ليهم ! من بعد ما تكمشو واحد العشرين عام حيت عارفين راسهم شنو دايرين ( فحال شي واحد خاري و جالس عليها) دابا بداو كايمارسو نفس الوصاية و الرقابة و التحريض خصوصا على المنتوجات الاعلامية و الفنية لي كاتفرشهم و كاتبين حقيقتهم ! و بطريقة اكثر قوة حيت دابا عندهم الفايسبوك و اليوتوب و فلوس الادسنس و عندهم حتى سلفيين جداد فالمشهد ، سلفيين 2.0 ، فحال فمصر كايلبسو الدجينات و كايديرو الجيل و كايبانو بمظهر شبابي و لكن هوما فلداخل ديالهم ابو مصعب الزرقاوي !

هاد الضسارة ديال السلفيين كلنا عارفين أنها ماعمرها كاتسالي بالخير ! كاتبدى هاكا بالتكفير و السب و التحريض ضد الدولة و اعلام الدولة و المنتوجات الفنية لي كاتعرض فيه و وصفها بأنها كفر و فساد و فسوق و كاتسالي بشي احمق مشتت زكّو مشتت وسط شي اوطيل و لا شي بار و قاتل معاه مغاربة ابرياء مشاو ينشطو و يدوزو وقت زوين. هاكا ديما القصة كاتبدى و هاكا للاسف ديما كاتسالي.

دابا من بعد مانوضو الريگاطا على مسلسل المكتوب و ظهور ممثلة كاتلعب دور شيخة هاهوما اليوم ناضو كايبكيو و يغوتو و يحرضو عباد الله ضد فيلم طاليس ” الإخوان” بدعوى أنه كايشوه صورة السلفيين  ! و كايبينهم انهم موسخين و متشددين و مكلخين ! ههههه و كي بغيتيه يبينهم ؟ راه هادوك هوما اغلبية السلفيين موسخين و مكلخين و متشددين مازاد عليهم طاليس تاحاجة ! علاه شحال من شمكار فالدرب فاق الصباح وولا سلفي ؟ و شحال من نصاب ولا سلفي ؟ و شحال من قحبة دارت النقاب وولات باغا دير فيها شريفة و عفيفة ؟!  و المصيبة انه الفيلم مازال ماتعرض فالسينيما ! هادشي غا مازال ماتفرجنا فيه و نوضو عليه الحيحة !

باغين يفرضو الرقابة ديالهم صحة ! كاينوضو يهيجو عباد الله و الحمقى لي تابعينهم ضد أي حاجة ماعجباتهمش ! اي حاجة كاتفرش تفكيرهم الموسخ ! تفكيرهم الداعشي ! تفكيرهم الاقصائي ! و بالخصوص الفن ! آه وي ! الفن من ديما كان هوا العدو اللذوذ للظلاميين ! كايكرهو الفن حيت كايدخل لقلوب الناس بشكل طبيعي وكايتفاعلو معاه بتلقائية عكس الافكار ديالهم القروسطية لي مابقاتش واكلة فهاد الزمان و بزاف ديال المغاربة عاقو بيها و عاقو بقوالبها !

هاد المناخ بشكل عام ماكايبشرش بالخير، و المقاربة الأمنية ماكافياش حيت خاص المغاربة كلهم يكونو واعيين بالخطر لي كايشكلو علينا هاد الناس ! لي ماباغيناش نعيشو كيما بغينا ! هاد الناس لي باغين يسلخو المغاربة على الهوية ديالهم ! على الموسيقى ديالهم ! على الثرات ديالهم على الشيخات و العيوط ديالهم ! على البيران ديالهم و على الحفلات و السهرات ديالهم ! هاد الناس لي مامستحملينش انه المغرب فيه البار و الجامع ! و بغاو يكون غا الجامع و ماشي حتى الجامع المغربي التقليدي لي كايدعوا للاعتدال و التعايش لا ! بغاو حتى الجامع يفصلوه و يخيطوه على مقاس افكارهم الارهابية.

باش خرانا مايجمعوه شراوط…

(تو بي كونتينيود … فاش نتفرج ففيلم الاخوان )

موضوعات أخرى