الرئيسية > ميديا وثقافة > واش هاد الحكومة محتاقرة لمغاربة لهاد الدرجة. الصحافة الدولية كتهدر على 698 حالة جاتهم كورونا وحنا ما فراسناش
05/07/2020 17:00 ميديا وثقافة

واش هاد الحكومة محتاقرة لمغاربة لهاد الدرجة. الصحافة الدولية كتهدر على 698 حالة جاتهم كورونا وحنا ما فراسناش

واش هاد الحكومة محتاقرة لمغاربة لهاد الدرجة. الصحافة الدولية كتهدر على 698 حالة جاتهم كورونا وحنا ما فراسناش

كود كازا ///

دابا هاد وزارة الصحة يوم على اليوم كتزيد كتحتاقر لمغاربة. تصورو شي وزارة فشي دولة كتعطي خبار عدد حالات الاصابة لكورونا فيروس لشي وكالة دولية. اييه دارتها وزارة لصحة اليوم وعطاتها لوكالة الانباء الفرنسية.

وزارة الصحة قالت ليهم باللي المغرب تسجل فيه 698 إصابة جديدة. هادا روكور ما عمرو تسجل فالمغرب من نهار دخلات فمارس اللي فات.

دابا ولينا كتقول وصلنا وكالة اجنبية 14.132 حالة واللي ماتو 234 واللي استرجع عافتيو بعد اصابتو بهاد الفيروس وصل ل9410. هاد الشي كتقول الوكالة بناء على ارقام وزارة الصحة.

دابا هاد التخربيق لاش. كيفاش وزارة تعطي ارقام كتهم لمغاربة للاجانب. كاينة وكالة الانباء الرسمية “لاماب” وقنوات عمومية علاش فضلات هاد الوكالة.

هاد الوزير عندو مشاكل فكلشي. تدبير القطاع والتواصل وفضايح الصفقات.

موضوعات أخرى

07/08/2020 17:00

المغرب مكانش موجه لسياحة الشباب وماموفر ليهم والو ومع ذلك فأزمة كورونا راه هوما لي لقاهم.. شباب أجانب حصلو فالمغرب كيحطو فيديوات زوينة كتعرف بالمغرب وبثقافتو وكيديرو اشهار كبير ومهم للسياحة

07/08/2020 15:30

سفير لبنان فالمغرب كيشكر الملك محمد السادس على المساعدات الإنسانية اللي سافط لبيروت: هذي مبادرة ملكية كريمة واللبنانيين تعودو على وقوف المغاربة فجنبهم