كود -وكالات//

اعتذرات المغنية المريكانية ”سابرينا كاربنتر“ من بعد الصداع اللي ناض بسبب ردة الفعل ديالها على التزغريتة فالحفل ديالها نهار 10 أبريل فمهرجان كوتشيلا 2026، الكلام لي قالت الفنانة تشنع دغيا فمواقع التواصل الاجتماعي، وهاد الشي لي خلا الفنانة ترد على واحد المنشور اللي اتهمها بأنها كتقلل من ’’الثقافة الشرقية ‘‘.

الفنانة قالت “كنعتذر وما كانش قصدي نسيء لشي حد! دابا عرفت شنو هي تزغريتة، من دابا القدّام، كنرحب بجميع أنواع التشجيع”، هكا كتبات المغنية ديال “إسبريسو” و“تيست” فموقع X.

المشكل بدا ملي كاربنتر، من بعد ما غنّات “Please Please Please” گلست فالبيانو حتى سمعات شي صوت يحساب ليها شي حد كيغني اليودل، وقالت: “كنظن سمعت شي واحد كيغني اليودل، واش هادا هو اللي كتديرو؟ ما عجبنيش هاد الشي‘‘.

https://www.facebook.com/share/v/1Fh6H3ecua/

ومن بعد، ملي جاوبات المعجبة وقالت ليها هاد الشي جزء من الثقافة ديالها، ردّات كاربنتر: “واش هادي هي الثقافة ديالك؟”. ومنين سمعات أنه “نداء احتفالي”، قالت الفنانة: “واش هاذا مهرجان بيرنينغ مان؟ شنو واقع؟ هادشي غريب‘‘، المغنية شبّهاتو بمهرجان بيرنينغ مان، اللي كيتدار كل عام فصحرا نيفادا وكيكون فيه حرق مجسم خشبي كبير.

وتعرضات سابرينا كاربنتر لانتقادات حيث عيبات “تزغريتة‘‘فالحفل ديالها، الشي لي خلا ناقدين ينقصو من قيمتها الفنية مني قالو إنها كونها فنانة خاصها تكون منفتحة على جميع الثقافات وكتسمع جميع الأصوات.