الرئيسية > تبركيك > واش هادي بداية يغبرو علينا شقفهم الزعيترات؟. ابو زعيتر حذف حسابو فانستگرام
30/06/2022 20:00 تبركيك

واش هادي بداية يغبرو علينا شقفهم الزعيترات؟. ابو زعيتر حذف حسابو فانستگرام

واش هادي بداية يغبرو علينا شقفهم الزعيترات؟. ابو زعيتر حذف حسابو فانستگرام

اسماء غربي – كود//

علمت “كود” ان ابو زعيتر، واحد من الخوت ازعيتر، حذف حسابو الرسمي فموقع “انستگرام”.

الحساب كان عندو فيه كثر من مليون ابوني، وبسن ليلة ونهار صبح محذوف، وفاش كتبرك على الرابط كيعطيك ان الفحة تسوپريمات.

هاد الرياضيين اللي قلبوها بيزنس، نايضة عليهم مؤخرا وفضايحهم كثرات من فضيحة ماريناسمير لتزويرهم لعلامات تجارية، وزيد وزيد.. اذا الى قرر ابو زعيتر ومن بعد حتى خوتو عمر وعثمان يغبرو من مواقع التواصل فغادي يكون حسن.

ديما كنقولو ونعاودو ف”كود” ان وجود هاد الخوت العلني خطأ وظهورهم فمواقع التواصل خطأ، خاصة بالفضايح اللي كينشرو كل مرة.. هاهما تصورو مع ناس فقراء حيت عطاوهم دراهم، او هاهما مصورين بماسك ديال الذهب فوقت ديال الازمة، وبلا مانهضرو على كونهم كيخرقو القانون وهما فرحانين والصورة اللي كيعطيو خايبة بزاف لبلادنا.

موضوعات أخرى

15/08/2022 09:00

الدولة كتعطي للصحافة الدعم ولخبار لصحابهم ف”جون افريك”. كيفاش سربو ليهم التعديل الحكومي وبالاسم وقبل خبار مرض ام الملك. هاداك الدعم زيدوه فيكم ايلى كنتو ما تايقين فصحفكم

15/08/2022 08:00

“كود” قالت ليكم مافيدوش. وفينك يا بوريطة يا مول لمقص. علاش باش فرانسا كتهين لمغاربة سرطي لسانك وباش كولومبيا عتارفات بالبوليساريو ضربتي الطم

15/08/2022 07:00

تقرير للباروميتر العربي بجامعة “برينستون” الأمريكية : 34 ف المائة من المغاربة باغيين يخويو البلاد والأغلبية لأسباب اقتصادية