الرئيسية > كود سبور > واش هادو مع المنتخب ولا ضدو؟ .. مشجعين مغاربة باغيين التيكي دايرين الفوضى قدام لوطيل ديال الأسود وخرج لهم أبرون
09/12/2022 15:20 كود سبور

واش هادو مع المنتخب ولا ضدو؟ .. مشجعين مغاربة باغيين التيكي دايرين الفوضى قدام لوطيل ديال الأسود وخرج لهم أبرون

واش هادو مع المنتخب ولا ضدو؟ .. مشجعين مغاربة باغيين التيكي دايرين الفوضى قدام لوطيل ديال الأسود وخرج لهم أبرون

كود سبور//

صبح مقر إقامة المنتخب الوطني المغربي هدف ديال مجموعة من المغاربة باش يدبرو على تيكي ماتش ربع نهائي كأس العالم قطر 2022، ما بين الأسود والبرتغال، الشي اللي يقدر يتسبب فإزعاج الركراكي وولادو.

عدد من المغاربة اللي مازال ما لقاو تذاكر ماتش المغرب والبرتغال، ولولاو كل مرة كيمشيو يجمعو قدام فندق إقامة المنتخب الوطني فالعاصمة القطرية الدوحة، بحجة الحصول على تذاكر الماتش واللي فالواقع ما كينينش تما.

اليوم الجمعة وقبل الحصة التدريبية الأخيرة ديال المنتخب الوطني المغربي اللي كتسبق الماتش ضد البرتغال، تجمعو شي مشجعين مغاربة ودايرن جوقة قدام الفندق ديال ليكيب ناسيونال، وكيطالبو بتذاكر المباراة، وبالصدفة تلقاو مع العضو الجامعي عبد المالك أبرون اللي مكلف ببعثة الأسود فكأس العالم، واللي كان راجع من شي مهمة وما عجبوش الحال حيث هادشي اللي كيديرو ماشي فمصلحة المنتخب الوطني.

وطلب عبد المالك أبرون من المجموعة ديال المشجعين المغاربة اللي واقفين قدام الفندق يغادرو فالحال وقالهم: “هنا ما كاينش تيكي، هنا كان المنتخب المغربي.. الله يرحم لكم الوالدين هذا راه المنتخب الوطني ديالكم خليو الراحة موفرة له، راه هنا بلاصة لكونسوطراسيون”.

أبرون حاول ما أمكن يحافظ على الصواب مع شي وحدين من المشجعين المغاربة اللي ما بغاوش يتفهمو بلي الفندق راه خاص بإقامة المنتخب الوطني المغربي والراحة ديالو ماشي مكان ديال توزيع تذاكر الماتش أو بيعها، واخا حاولو شي وحدين فيهم يصعدو فطريقة نقاشهم ولكن هو حافظ على الهدوء ديالو وقالهم بلي الجامعة الملكية المغربية لكرة برئاسة فوزي لقجع راه خدامين باش يوفرو التذاكر لأكبر عدد من الجمهور المغربي ولكن خاصهم يمشيو الأماكن المخصصة بتوزيعها ماشي يجيو يبرزطو اللعابا فالفندق والماتش المصيري ضد البرتغال فربع نهائي كأس العالم مازال له غير 24 ساعة.

موضوعات أخرى

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب

28/01/2023 20:30

من بعد البرلمان الاوروبي. احزاب فبرلمان إقليم الباسك غادي تطلق مبادرة كتطالب فيها المغرب باحترام حرية التعبير والإعلام