الرئيسية > كود سبور > واش نيمار وميسي غايقبلو؟. ها شرط خليلوزيتش باش حكيمي يتيري ضربات الجزاء
27/09/2021 19:00 كود سبور

واش نيمار وميسي غايقبلو؟. ها شرط خليلوزيتش باش حكيمي يتيري ضربات الجزاء

واش نيمار وميسي غايقبلو؟. ها شرط خليلوزيتش باش حكيمي يتيري ضربات الجزاء

كود سبور//

مدرب المنتخب المغربي، وحيد خليلوزيتش، شكر “أسود الأطلس”، أشرف حكيمي، اللي كيلعب ف باريس سان جيرمان، وقال أنه من بين أفضل ظهيريْن او ثلاثة ف العالم.

وقال المدرب البوسني ف تصريح لصحيفة “لوباريزيان” الفرنسية: “أشرف عندو كولشي باش يولي الأفضل ف العالم قريبا. بدنيا، هو وحش، جسدو استثنائي وجسمو لا يصدق، أنا سعيد حيت كنخدم معه. وهو كيبغي كل ما هو تكتيكي”.

وزاد خليلوزيتش: “كندوز بزاف ديال الوقت كنهضر مع اشرف، وماكنظنش توقع معه مشاكل حيت كيعشق الجانب التكتيكي”.

وفاش سولو خليلوزيتش على إمكانية يعطيه مهمة تنفيذ ركلات الجزاء ف المنتخب المغربي لحكيمي، جاوب وهو كيضحك: “أشرف طلب مني يسدد ضربات الجزاء ف المنتخب ، وقلت ليه فاش تنفذها ف باريس سان جيرمان على حساب نيمار، وميسي، ومبابي، غادي تكلف بتسديدها هنا”.

موضوعات أخرى