گود سبور//

رد النجم البرازيلي نيمار جونيور على صاحبو لوكاس مورا، اللي كان قال فتصريح له انه مازال عندو أمل يشوفو كايلعب مع البرازيل فمونديال 2030 فالمغرب وإسبانيا والبرتغال، وجاوبو وقال ان القرار ديالو بالاعتزال بعد مونديال 2026 محسوم.

وفتصريح له من ورا ماتش الفريق ديالو سانتوس البرازيلي فكوبا سود اميريكا، اليوم الاربعاء قال نيمار مول 34 عام: “كانشكر لوكاس مورا، ولكن هذا الشي ما غاديش يكون.. لحظات المجد ديالي مع المنتخب البرازيلي سالات، درت التاريخ تماك وانا فرحان بهذا الشي، دوزت بزاف ودرت جهدي وتقاتل ديما على قبل التوني الصفر، ولكن صافي ما بقيتش قادر”.

للإشارة فحتى مشاركة نيمار مع البرازيل فمونديال 2026، كانت فيها شكون على انه واش يستاهل يكون، حيث عيط له الطالياني كارلو انشيلوتي مدرب المنتخب البرازيلي بعد ضغط الجمهور بعدما تراجع مستواه بزاف، وسط تسريبات على ان الفريق ديالو سانتوس عطاو تقرير طبي مغلوط للاتحاد البرازيلي وما داروش فيه انه موعت، قبل ما تبان ان عندو اصابة ملي وصل للمنتخب، ومشى معهم للمونزيال بالاصابة ديالو وما لعبش الماتش الاول ضد المغرب.