وكالات //

فركع مسؤول مصري مفاجأة بخصوص الجدل اللي دار على منصات التواصل في الساعات الأخيرة، واللي كانت كتقول بأن اليوتيوبر العالمي “مستر بيست” خدا فلوس بزاف مقابل الدخول ديالو لأهرامات الجيزة وتصوير فيديو وصل لملايين المشاهدات فساعات قليلة.

عمرو القاضي، رئيس الهيئة المصرية العامة للتنشيط السياحي، وضح أن الواقع كان عكس هاد الكلام، حيث أن اليوتيوبر هو اللي دفع مبلغ كبير للسلطات المصرية، ولكن ما ذكرش شحال بالضبط كان المبلغ.

وقال في تصريحات تلفزية أنه كان تعاون بين مختلف الجهات المصرية باش يخرج الفيديو بالجودة المطلوبة، وأكد أنه من الممكن يتعاونو معاه مرة أخرى في المستقبل.

وأشار إلى أن “مستر بيست” دخل أماكن فالأهرامات ما دخلها حتى واحد قبل منو، ووضح أنه نفا كل ما يتم ترويجه بشكل كاذب عن بناة الأهرامات.