كود سبور//

بدات الملاكمة الجزائرية المثيرة للجدل إيمان خليف مشاركتها فأولمبياد باريس2024، بحادث غريب بعد انسحاب المنافسة ديالها الطاليانية أنجيلا كاريني بعد ثوان قليلة من بداية الكومبا فثمن النهائي.

وبعدما دازت 46 ثانية فقط من الجولة الأولى ديال كومبا أقل من 66kg  اليوم الخميس، بين الجزائرية إيمان خليف والطاليانية أنجيلا كاريني، طلبت الأخيرة توقف الكومبا وعلن الحكم ديال الماتش على انسحابها، فحادث غريب واخا ما كانش شي احتكاك قوي بين الملاكمتين أو شي ضربة بالكاو.

الحكم علن على نهاية الكومبا برباح الملاكمة الجزائرية إيمان خليف وتأهلها إلى ربع نهائي البوكس فأولمبياد باريس 2024.

وللإشارة فالملاكمة الجزائرية إيمان خليف خلقت جدل كبير قبل مشاركتها فأولمبياد باريس2024، لدرجة أن اللجنة الأولمبية والرياضية الجزائرية خرجت بيان كتدافع فيه عليها ضد المشككين فيها، واللي كايقولو أنها ماشي امراة.