كود الرباط//

قال رياض مزور، وزير الصناعة والتجارة، بأن قطاع صناعة الطيران في المغرب بفضل رؤية الملك يعد من ضمن 20 الأوائل في العالم فهاد الصناعة بكل المكونات ديال الطائرة.

وأوضح مزور، في جلسة عمومية اليوم الاثنين بمجلس النواب، اليوم الطموح مشروع غالمغرب باش نتجو طائرة تقلع من المغرب، وهو ما نشتغل للوصول إليه.

وجاء جواب وزير الصناعة، بناءا على سؤال تقدم به فريق التجمع الوطني للأحرار، اللي اكد بلي كاين تطور فصناعة اجزاء الطائرة بنسبة 40 في المائة بما فيها اجزاء مهمة وحساسة تصنع فقط في خمس دول بالعالم.

نائب برلماني عن الأحرار أكد على أهمية هاد الصناعة اللي كيشغل اكثر من 20 الف شخص وتحقيق عائدات مالية تصل إلى 20 مليار درهم، موضحا بلي الطموح اليوم هي خص تكون عندنا طائرة مغربية 100 في المائة الصنع وتكون عندنا ثورة صناعية بقيادة الملك.

لكن الوزير مزور قال بلي بلا ما نغلطو المغاربة راه مكايناش طائرة 100 فالمائة الصنع مغربية، يمكن فالشعار اه ولكن مكايناش فالعالم بلاد كتصنعها ب100 فالمائة.

وأضاف مزور” لكن الطموح هو تقلع الطائرة فالمغرب وتجمع فبلادنا هذا هو الطموح بحال السيارات وهذا طموح شرعي وغانوصلو ليه”.