گود سبور//

كشف الدولي المغربي ياسين بونو اللي ربح كاس السوبر السعودي مع الهلال البارح الخميس، أن مشاكل عائلية وعاطفية هي اللي خلتو يقرر يمشي من إسبانيا للسعودية، وينتقل من إشبيلية إلى الهلال، مع العلم ان العام اللي فات خرجت معلومات كتروج على انه عندو مشاكل مع مراتو وكاين گاع اللي قال أنهم التفارقو، حيث مسحت هي صورهم بجرح من أنستغرام ديالها وما بقاتش كتبان معه.

وقال ياسين بونو فتصريحات نشرتها جريدة “ماركا الإسبانية واعترف بلي العام اللي فات كان صعيب بالنسبة له، وقال: “ما كانش زوين، وما كنتش هو هذاك، جيت العام اللي فات مع مشاكل عائلية، وكان خاصني نكون قوي ونستافد من تجربتي، وما قدرتش عاطفيا نبقى هنا (فالصبليون) وكنت محتاج نبدل الجو على قبل الصحة العقلية ديالي”.

وكمل ياسين بونو ووضح علاش مشى من إشبيلية الإسباني، وقال: “ملي شفت راسي ما قادرش نزيد نعطي شي حاجة للنادي، وجاتني الفرصة نمشي بحالي مشيت، حيث كون بقيت ما كانش غيكون المستوى ديالي هو هو”.

https://www.marca.com/futbol/sevilla/2024/04/12/6619343aca4741b82d8b4570.html?fbclid=IwAR30nrsZhaOYvfFpU3gU74rFriepRz0-MEmsXjdjIaEZJTYPyh7LrAfzKao_aem_AZ4QQPSjo5HHm_-d5JzXErOfsc-6LJXiFMei_M_lkFIQcVpiffSuckVkbdTpVnJzC_s