الرئيسية > كود سبور > واش مالانگو بصح راجع للرجاء؟
05/08/2022 19:00 كود سبور

واش مالانگو بصح راجع للرجاء؟

واش مالانگو بصح راجع للرجاء؟

كود سبور//

خرج وكيل الأعمال ديال اللاعب الكونغولي بين مالانغو المهاجم السابق ديال الرجاء الرياضي، باش ينفي كل الاخبار لي كتقول على أن الموكل ديالو ليكلعب دابا فالشارقة الإماراتي غيرجع للرجاء فهاذ الصيف.

وقال “فوستينو مكانديلا”، لي هو وكيل أعمال بين مالانغو فتغريدة نشرها على الحساب ديالو فتويتر: “باراكا من لكذوب، مالونغو ما غاديش يرجع للرجاء، كنحترم الفريق الأخضر وكنتمنى ليه التوفيق ولكن بين مالانغو مارجعش ليه”.

وكيجي الخروج ديال وكيل أعمال بين مالانغو الهداف الأجنبي التاريخي فالرجاء باش يوضع حد للاخبار لي راجعت مدة هاذي على أن الفريق غيرجعو من جديد للصفوف ديالو على الأقل بريطي من الشارقة الاماراتي، وهي الاخبار لي زادت كثرات من بعد إعلان رئيس الفريق الأخضر على أن الرجاء غيجيب مهاجم إفريقي من الطراز الرفيع.

موضوعات أخرى

19/08/2022 17:30

خاص. الشراكة الاسبانية المغربية وصلات للصحة: ايت الطالب غايطير لمدريد للقاء نظيرتو كارولينا ومسؤولين اسبان وها التوجهات الكبرى لهاد الزيارة