گود سبور//

يواصل فريق اتحاد التوارگة التصعيد أمام ما اعتبره ظلم تحكيمي مقصود ضدهم، بعد القرارات التحكيمية اللي عرفها الماتش ديالهم ضد نهضة الزمامرة البارح السبت برسم الدورة 8 من البطولة الاحترافية، وكايبان أن هاذ الماتش يقدر يكون النقطة اللي غاتفيض كاس التحكيم خصوصا وأن جمهور مختلف الأندية متعاطف مع التواركة وكايطالب بفتح تحقيق ماشي غير فـ هاد الماتش ولكن فـ التحكيم د البطولة كلو.

وبعدما تم طرد 3 اللاعبين من اتحاد التوراكة فـ الماتش ضد نهضة الزمامرة منهم 2 گوال، وقرر المدرب ديال الفريق تقديم الاستقالة احتجاجا على مستوى التحكيم فـ الماتش، وخرج رئيس فرع كرة القدم بالنادي عبد المالك الأنباري وأعلن عن الاستقالة ديالو حتى هو.

وقال فـ هاد الاستقالة: “على إثر توالي مجموعة من الأخطاء التحكيمية التي تعرض لها فريق اتحاد تواركة الرياضي – فرع كرة القدم – والتي كان لها أثر سلبي واضح على نتائج مبارياته ومساره الرياضي، تم التواصل بحسن نية مع الجهات الوصية من أجل تحسيسها وتنبيهها بهذه الوضعية، تفاديا للتشويش على منظومة التحكيم الوطنية، ومع توالي الدورات واستفحال الوضع، بات المضي قدما في مشروع النادي وتحقيق أهدافه مستحيلا، بناء على ما سبق قررت تقديم استقالتي من منصبي كرئيس لفرع كرة القدم”.