كود الرباط//
روينة فمقبرة الشهداء ومقبرة لعلو، بسباب مجموعة من التجاوزات غير قانونية من قبيل اعتراض سبيل الزوار وابتزازهم من أجل الحصول على مبالغ مالية وذلك سواء بمدخل المقبرة أو أثناء عملية الدفن او الترحم على الموتى.
وحسب مصادر “كود” فإن حالة استنفار وقعت فالمقبرة بسبب تهراس قبر أحد رموز الأغنية المغربية، وكيتعلق الأمر بقبر فتح الله المغاري.
وأثار اختفاء قطعة من القبر، شبهة سرقة رخام القبور خصوصا في ظل غياب المراقبة المشددة بالمكان.
وحسب شهود لـ”كود” فإن المقبرة ولات بلاصة ديال الناس اللي كيبغيو يسكرو ويتحششو حدا المقابر وهادشي كيوقع امام اعين محافظ المقبرة وحتى السلطة المحلية.
وقالت مصادر “كود” :”كاين العديد من القبور اللي تعرضت للكسر من فعل فاعل، ولكن الشكوك كتتجه نحو هاد الناس اللي كيجيو للمقابر يسكرو ويتحششو”.
