عمر المزين – كود///

ملي جاء القنصل الصيني الجديد للمغرب ومنح الفيزا للمغاربة مزيرة وغير ميسرة لحال كيف كانت وعدد من المواطنين قطعو البيي تاع الطيارة و مشا ليهم مع العلم ان أقصى حد للاعطاء الفيزا كان هو 12 يوم.

وأكدت مصادر “كود” أنه دبا كاين لي تقريبا شهر ومزال مشدش الفيزا، لا هوما رفضو لا هوما عطلوها ليه، ولي كان عوال كما ديما هزو الماء فالبيي لي كتراوح الثمن ناعو بين 12 الف و 14 الف درهم.

أحد التجار أكد لـ”كود” أن الحصول على الفيزا بصح فيه شويا ديال العذاب، لكن أجمع عدد من المهنيين لـ”كود” أن الشينوا معندهاش باش تفيد المغرب نهائيا ف التجارة، موضحا أنه يلا مشا شي تاجر راه كيدير فقط منتوجات مقلدة وصافي.

وذكر مهنيون عدد من الحرف بحال الجلد والأثواب هي لي كتدخل من الشيونا ومني كيتم مراقبتها يتبين أنها غير مطابقة للمعايير.

وفي سياق آخر، قال مصدر من وزارة الصناعة التقليدية لـ”كود” أنه يجب إعادة النظر في مجموعة من السلوكيات تجاه التجار، مؤكدا أن بلادنا مستهدفة من طرف بزاف ديال الجهات فيما يخص التجار.

ودعا المتحدث إلى بلورة سياسة حمائية عن طريق إجراء علامات ديال الجودة وتسجيله لحماية الصناعة التقليدية المغربية، مضيفا بالقول: “كاين عدد من الدول تغري التجار بأموال طائلة، وللأسف كاين اللي كيمشي لبعض الدول للرحب ولا يهمه حب الوطن”.