الرئيسية > آراء > واش كنكررو تجربة ولد زروال ونقويو المصباح؟ راه الداخلية مكلفة بالاشراف على الانتخابات وحماية التنافس الشريف ماشي تتفرج فهجومات على مرشحين وغالبيتهم من البي جي دي وكتسكت على اتهامات وهبي
05/09/2021 09:00 آراء

واش كنكررو تجربة ولد زروال ونقويو المصباح؟ راه الداخلية مكلفة بالاشراف على الانتخابات وحماية التنافس الشريف ماشي تتفرج فهجومات على مرشحين وغالبيتهم من البي جي دي وكتسكت على اتهامات وهبي

واش كنكررو تجربة ولد زروال ونقويو المصباح؟ راه الداخلية مكلفة بالاشراف على الانتخابات وحماية التنافس الشريف ماشي تتفرج فهجومات على مرشحين وغالبيتهم من البي جي دي وكتسكت على اتهامات وهبي

كود هناء ابو علي ///

البارح وقعات امور غريبة. تجارب مصغرة لمسيرة ولد زروال اللي دارها حزب الاصالة والمعاصرة ف2016 باش يخسر العدالة والتنمية الانتخابات٬ الساعة تقلب عليه داك الشي وصدقات اكبر هدية لحزب المصباح اللي ربح بيها الانتخابات.

البارح وقعات احداث فمكناس وفاس والرباط استهدفت فيها قيادات العدالة والتنمية. شفنا شي حد تعرض لعبد الله بوانو مرشح الحزب لعمودية وبرلمان مكناس وكيغوث عليه وكيحبسو وكيسميه “الشفار”. هادا ما كيعبرش علي رأيو ابدا. هذا اعتداء على مواطن. على مرشح. الداخلية من مهامها الحماية البدنية للمرشحين. مرور الحملة فاجواء ديموقراطية. ممكن تناقش مرشح. تواجهو ولكن ماشي بدنيا. بالكلام. ماشي بالاعتراض

ففاس وقع نفس الشيء. كان الادريسي الازمي مرشح الحزب للتشريعيات ففاس الجنوبية ووعمدة المدينة المنتهية ولايته فجولة بالمدينة لقديمة. تعرض لهجوم مما سماهم بلطجية.

فالعشية كان مرشح الحزب بدائرة المحيط سعد الدين العثماني امين عام الحزب ورئيس الحكومة٬ فجولة بشارع الحسن الثاني ومتاجز تماك٬ تعرض كذلك لما سماه الحزب “عدد مهم من البلطجية” هزاتهم صطافيت يستعملها مرشح احد الاحزاب المنافسة”. تصريح قيادي من الحزب ل”كود” قال باللي هاد الحزب هو الاصالة والمعاصرة واخر هدر على حزب الاستقلال.

شفنا فالناظور كيفاش ناس محسوبين على مرشح حزب الاتحاد الاشتراكي جراو على التجمع الوطني للاحرار اللي بغى يدخل للحي يدير حملتو وقبلو شفنا تصرف من مناصري حزب الحمامة دارها مع مرشح لحزب التراكتور فدار بوعزة.

ما يمكنش لوزارة الداخلية تبقى تتفرج فهاد الاشكال من الاعتداءات. اييه كاينة شكايات والقضاء كيخدم ولكن مهمة الداخلية اصدار بيانات والتصدي لهاد الظواهر.

هاد الظواهر راها كتقوي حزب العدالة والتنمية. كيشوفوه لمغاربة ضحية ويقدر يوقع ما وقع ف2016. الا ايلى كانت الداخلية باغية البي جي دي يربح ولاية ثالثة.

ثم كيفاش الوزارة ما حركاتش شكاية ضد الامين العام لحزب الاصالة والمعاصرة اللي قال باللي الاموال كتفرق فالانتخابات وكيفرقها حزب الاحرار. هادي قالها محامي وراه بلغ على جريمة كيعلم بعدم وقوعها. هي باش تحاكم الصحافي حميد المهداوي.

الداخلية خاصها تتحرك. بقات 3 ايام وتسالي الحملة. يمكن يوقعو مصايب.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم