كود -وكالات//

عملية تكبير المراود البرازيلية، المعروفة بـ BBL، ولات من أكثر عمليات التجميل اللي منتشرَة فالعالم فهاد السنين الأخيرة، الفكرة ديالها هي تجر الدهون من بلاصة فالجسم وتعاود تزرعها فلمراود باش تبان لاطاي كبيرة ومزيرة ،ولكن هاد العملية، حسب مختصين فالتجميل، ماشي ساهل  كما كيبان وفيها مخاطر صحية كبيرة خصوصاً إلى كان الهدف هو نتيجة كتر من القياس  تحت ضغط الموضة وصور السوشيال ميديا.

الدكتور جوناثان ويغمان شرح أن المشكل الكبير فـ BBL هو كيفاش كيتعامَل الجسم مع الدهون المزروعة، لي باش تبقى  حيّة، خاص يوصلها  الدم مزيان من البلاصة اللي تحقنات فيها، ولكن ملي كتزرع طمية كبير ديال لاكريص دقة وحدة ، الجسم ما كيقدرش يعطيها  بالدم الكافي، هنا النسيج كيموت وسط الجسم، وهاد الشي خطير بزاف.

ومن بين العلامات الخطيرة اللي ذكرها الطبيب، كاينة ريحة خايبة من المنطقة اللي تدار طن فيها العملية من بعد الجراحة، هاد الريحة” كيقول ” ماشي  مشكل تجميلي، ولكن دليل على تعفّن وموت الأنسجة، وتقدر  تكون سبب فالتهابات خطيرة وحتى تهديد للحياة ،وهاد الشي كيبيّن أن BBL ماشي عملية “بلا ريسك ” كيف ما كيتروّج ليها.

الدكتور ويغمان باي كذلك أن هاد النوع ديال العمليات قليل بزاف فإسرائيل، وفسّر هاد الشي بأن المراود الكبار  ما داخلينش فمعايير الجمال عندهم ،واعتبر أن هاد القضية  إيجابية، حيث كيحمي الناس من عمليات تجميلية خطيرة وما عندها حتى ضرورة طبية ،وختم بالقول أن أي قرار ديال الجراحة خاصو يكون مبني على وعي طبي وقدرة  الجسم على التحمل .