احمد الطيب – كود الرباط ///

علمت “كود” ان مكونات الاغلبية الحكومية غادية تجتامع غدا لثلاث 22 فبراير 2022 فالرباط. يتوقع يكون فهاد الاجتماع الامناء العامين للاحزاب الثلاث المشكلة للحكومة: التجمع الوطني للاحرار والاصالة والمعاصرة والاستقلال.

التنسيق بين هاد المكونات والتواصل فقضايا كتهم الحكومة والاغلبية غادي يكون ضمن القضايا اللي غاديين يناقشوها قادة هاد الاغلبية.

اغلبية بانت مهلهلة مع هاد الشي اللي وقع مؤخرا. ما شفنا لا نزار بركة وزير التجهيز والنقل والامين العام للاستقلال ولا عبد اللطيف وهبي وزير العدل والامين العام للبام دافعو على الحكومة على حصيلتها على رئيسها كيف دار هو نهار تعرضو للهجوم فالبرلمان. فاطمة الزهراء المنصوري رئيسة المجلس الوطني للبام ووزيرة السكنى والتعمير وسياسة المدينة بوحدها اللي خرجات ف”كود” البارح ودافعات على هاد الحكومة على رئيسها.