كود – كازا////

واش كاينة فوضى فالتعليم في المحمدية؟ الرأي العام المحلي كيسول: كيفاش كاينة مؤسسات كتسجل التلاميذ بلا ترخيص؟، وذلك تأسيسا على حالة تعليمية فرضات مشروعية طرح هاد التساؤل.

والحالة كتجسد، فأنه كاينة مؤسسة فالمحمدية، فشارع الحسن الثاني، (لاسييسطا رقم 8)، اللي كتسجل التلاميذ بلا ما يكون عندها ترخيص لممارسة نشاطها من الأكاديمية الجهوية ديال الدار البيضاء-سطات.

وهي الواقعة الخطيرة، لي كتمس بمصداقية التعليم، وكتستدعي في الوقت نفسه تنبيه أولياء الأمور باش ياخدو يردو البال واش المدرسة اللي غادي يسجلو فيها ولادهم عندها الترخيص القانوني ولا لا؟

وحسب المعطيات المتوفرة، فإن هاد المؤسسة ما عندهاش الحق تفتح هاد العام حيت ما دارتش الطلب ديال الترخيص قبل 30 يونيو.

وهاد الوضع كيعني أن الترخيص ديال هاد المؤسسة هاد السنة غادي يكون غير قانوني، وهادشي كيعني أن دفتر التحملات ما عندوش مصداقية.

وعليه، وجب توصية جميع الآباء يتأكدو مزيان من المؤسسات التعليمية فين كيسجلو ولادهم، ويتخذو الحيطة والحذر باش ما يطيحوش فشي مشكل، عبر التحري، بشكل دقيق فهاد الخصوص. وهنا كيتطرح تساؤل آخور وهو واش فعلاً الأكاديمية دايرة المراقبة اللي خصها تكون وساهرة على تطبيق دفتر التحملات؟