كود احمد الطيب ///

من المثير فتعيينات المجلس الوزاري الاخير هو هاد الفقرة “وباقتراح من رئيس الحكومة، وبمبادرة من وزير الفلاحة والصيد البحري والتنمية القروية والمياه والغابات، عين جلالته محمد فكرات، رئيسا لمجلس الإدارة الجماعية للقرض الفلاحي”. علاش مثير؟ حقاش نور الدين بوطيب كان تعين فهاد المنصب هادي 10 اشهر. فهاد المنصب يالله دوز قل من عام ومشى فحالو.

واش هادي غضبة على بوطيب؟ وفق مصادر “كود”٬ اللا ما كايناش شي غضبة علي خدمتو اللي يالله بداها. هاداك رجل دولة واكيد عندو مهام اخرى جاية فالطريق.

نور الدين بوطيب خريج السونترال وديبلوم الدراسات المعمقة في ميكانيك التربة (1981)، واخر فالهندسة من المدرسة الوطنية للقناطر والطرق واللي كان مدير للشؤون القروية بالداخلية ثم واليا مديرا عاما للجماعات المحلية٬ سبق شغل منصب كاتب عام للداخلية فوزير منتدب لدى وزير الداخلية.

دابا كاين احتمال يرجع للحكومة فالتعديل اللي غادي يوقع قريب او ياخد منصب اخر اهم فالتعيينات المقبلة. كاين كلام علي ياخد بلاصة لوديي ويولي وزير منتدب لدى رئيس الحكومة مكلف بادارة الدفاع.