كود دبي ////

البارح الجمعة 21 فبراير 2025 كان عرض اول للفيلم المغربي “البطل” بسينما “ڤوكس” ب”الامارات مول” بدبي.

الحفل حضروه أبطال الفيلم عمر لطفي وفرح الفاسي ومنتج هاد الفيلم السينمائي “ريد وان” وناس الجالية المغربية.

حسب ما شافت “كود” كان معروض سفير المغرب فالإمارات وحتى قنصل دبي. بجوج ما جاوش وبلاصتهم بقات خاوية..

دابا ما يمكنش لسفيرنا فالإمارات يتعطل على حدث بحال هاكا كون ما گالوش ليه ما يمشيش.

يمكن ريحة شي غضبة هادي على “ريد وان”. بغى يبين باللي ما كاين والو، كيف عاينت “كود”، ترديدو للنشيد الوطني المغربي بحماسة، وبقى يغوت ويعلي صوتو: “الله، الوطن، الملك”.

يمكن لاكوط ديالو طاحت. راه هاد المنتج تبع الياس المالكي فأبو ظبي باش يتصور معاه!