كود – كازا ///

قالت مواقع إخبارية أرجنتينية، بللي السلطات الأرجنتينية طردات 2 ديال المغاربة للبرازيل حصلو حارگين وبلا وراق فكار جاي من ميسيونس متجه إلى توكومان. وتبين للجدارمية ديال الأرجنتين أن هاذ المغاربة ما عندهومش الوثائق اللازمة باش يدخلو بشكل قانوني للأرجنتين.

وحسب المصادر ذاتها، تم طرد الشابين إلى البرازيل، الأحد الفايت، وتم تنفيذ القرار بالقوة. وتدخل المركز الدولي لتحليل الحدود الثلاثية ف الإجراءات. ودخلو الأرجنتين عبر معبر أوروغوايانا – باسو دي لوس ليبر الدولي.

ولحد الساعة باقي ما تعلنش على ظروف وملابسات هاذ الواقعة وعلى أسباب وجود حراگة مغاربة في بلدان لاتينية.. واش غرضهم يدخلو لميريكان عبر المكسيك ولا كيقلبو على الخدمة تماك أو يوتوبرز كيوثقو تجارب السفر..