كود – الرباط//

خاصية “About this account” اللي فعلّها إيلون ماسك فـ منصة X كشفت معطيات جديدة على عدد من الحسابات الشهيرة اللي كانت كتهاجم المغرب وكتحرض على الفوضى.

سكرين شوت ديال عدد من الصفحات كتبيّن أن جزء كبير من هاد الحسابات كيتسير من قطر، بما فيها حسابات إعلاميين معروفين ومنابر رقمية كتتبنى خطاب عدائي تجاه المملكة.

حسابات بحال Awras Media، Tawakkol Karman، Nedham Mahdawi، وWatanSerb  وحساب موقع اوراس وغيرها مصنفة أن مقرّها أو نشاطها الأساسي من قطر.

من جهة أخرى، حساب VoiceGen212 (المعروف بجين زيد) تبيّن أنه كيتسير من الجزائر، حسب نفس الخاصية.

هاد المعطيات كتطرح أسئلة كبيرة حول دور أطراف خارجية فتمويل أو توجيه حملات رقمية ممنهجة ضد المغرب، خصوصاً بعدما بدات المنصة تكشف المواقع الحقيقية للحسابات، الأمر اللي فضح عدّة واجهات كانت كتخدم خلف الستار.