كود- إيلاف//

ترامب طلق تصريح اللي هزّ العالم، حيث علن باللي غادي يوقّف الهجرة بشكل نهائي من “جميع دول العالم الثالث”، حتى ’’يتشافى النظام الأميركي مزيان” على حدّ كلامو.

وزاد رئيس أميركا دونالد ترامب وقال بلي غادي يسالي مع “جميع الامتيازات والدعم الفيدرالي” اللي كيتعطاو للناس اللي ماشي مواطنين أمريكيين، وجاو هاد القرارات مورا نهار واحد من بعد ما واحد الأفغاني ضرب جوج ديال الحرس الوطني فواشنطن وقتلهم.

وكتب ترامب فالسوشيال ميديا: “غادي نحبس الهجرة نهائياً من كل دول العالم الثالث باش نخلي النظام الأميركي يرجع يوقف على رجليه.”

وهدّد حتى هو بإلغاء ’’ملايين” ديال الطلبات اللي تقبلات ففترة بايدن، وزاد قال بلي أي واحد “ما كيزيد حتى قيمة لأميركا” غادي يمشي فحالو.