كود سبور//

علم جورنال “گود” ان وليد الركراكي ما غاديش يكمل مع المنتخب الوطني المغربي حتى لكاس العالم 2026.

مصادر مطلعة كشفت ان وليد الركراكي صافي سالات القصة ديالو مع المنتخب الوطني المغربي، وما غاديش يكون هو المدرب د المنتخب المغربي خلال المرحلة المقبلة.

وكاتجي هذه المستجدات بعدما كانت الجامعة الملكية المغربية لكرة القدم، أعلنت قبل 3 اسابيع ان الركراكي ما حطش الاستقالة ديالو، ردا على ما راج فالإعلام الفرنسي بأنه استقال من ليكيب ناسيونال.

وكاين انقسام وسط الشارع المغربي حول مستقبل الركراكي مع المنتخب المغربي بعد خسارة نهائي كاس افريقيا، كاين اللي كايقول خاصو يمشي بحالو حيث فشل وما بقى عندو ما يعطي وحتى العلاقة ديالو ولات متوترة مع المغاربة، وكاين اللي كايقول خاصو يبقى حتى يسالي كاس العالم 2026، عطفا على الإنجاز ديال دومي فينال مونديال 2022، وعلى قبل استقرار المنتخب المغربي قبل لاكوب دي موندل.