كود سبور//

كيبان أن الفيستيير ديال المنتخب الجزائري لكرة القدم ماشي هو هذاك، وهذا الشي قبل شهرين تقريبا من انطلاق كأس أفريقيا 2023 بالكوت ديفوار.

اليوم فماتش الجزائر الودي مع منتخب مصر، دار الناخب الجزائري جمال بالماضي شونجمو للاعب سعيد بنرحمة فالشوط الثاني من المباراة، ولكن اللاعب ما كانش رد الفعل ديالو زوين مع المدرب، وتشاد هو وياه فبلاصة ما يسلم عليه.

هنا السؤال كيتطرح، واش علاقة المدرب جمال بلماضي مزيانة مع اللاعبين ولا كاينة شي حاجة ماشي هي هاديك فالكواليس وكتخطط شي مؤمرة ضدو، خصوصا وان المدرب الجزائري كان دائما جريء فعدد من التصريحات ديالو لدرجة انه عيب على تيرانات الجزائر والكورة الجزائرية.