كود – وكالات//

واش صدر السرباية يقدر يأثر على شحال كيخليو ليها الزبناء ديال البوربوار؟ هاد السؤال، اللي كيتعتبر واحد من الكواليس المرتابطة بالخدمة فلقهاوي والمطاعم قرر برنامج MythBusters يختبرو بطريقة عملية ويجاوب عليه.

التجربة دارتها Kari Byron، وحدة من أعضاء البرنامج، فواحد القهوة فسان فرانسيسكو، فحلقة بعنوان Laws of Attraction 014، الفكرة كانت هي أن كارِي تخدم نفس الخدمة، بنفس اللباس تقريباً، ونفس الشعر والمظهر، ولكن يتبدل غير العبار ديال صدرها.

الفريق استعمل كاميرات مخبية باش تراقب التفاعل ديال الكليان، وصاوب بواطة خاصة بالبوربوار كتسمح ليهم يفرّقو بين الفلوس اللي كيخليوها الرجال والعيالات، وقالمقارنة، ركزو على أول 80 كليان  فكل بواطة.

فاليوم الأول، خدمت كارِي بالحجم الطبيعي ديال صدرها، وجمعتت  72 دولار من البوربوار، يعني تقريباً 90 سنتيم لكل طليان.

فاليوم الثاني، نقصو ليها القياس بجوج مقاسات تقريباً، مع الحفاظ على باقي التفاصيل نفسها. والنتيجة كانت مفاجئة ،جمعت حتى  72 دولار من أول 80 كليات راجل، يعني ما كان حتى فرق مهم مقارنة بالحجم الطبيعي.

أما فاليوم الثالث، فالفريق كبر فلقياس حتى وصل لـDDD ،وهنا تبدلات النتيجة بشكل كبير: كارِي جمعت 98 دولار من الرجال.
البرنامج حسب أن متوسط البوربوار طلع من  90 سنتيم ل 1.23 دولار للزبون، أي زيادة تقارب 30%.

والأكثر إثارة للاهتمام هو أن الزيادة ما كانتش عند الرجال بوحدهم. حسب العيالات  عطاو بوربوار أكثر ملي كان الحجم كبير، بنسبة كتقارب 40% .

فالأخير، صنّف MythBusters هاد الفرضية على أنها Confirmed، أي أن التجربة ديالهم دعمات فكرة أن الصدر الكبير برزقو.