الرئيسية > آش واقع > واش فشل وزير “التخويف” في فرض التسقيف؟..خبير اقتصادي لـ”كود”: المغرب مطبق الليبرالية الاقتصادية واقتصاد السوق وماشي دولة اشتراكية باش الحكومة تبقا تحدد الأسعار والأرباح”
11/05/2019 13:30 آش واقع

واش فشل وزير “التخويف” في فرض التسقيف؟..خبير اقتصادي لـ”كود”: المغرب مطبق الليبرالية الاقتصادية واقتصاد السوق وماشي دولة اشتراكية باش الحكومة تبقا تحدد الأسعار والأرباح”

واش فشل وزير “التخويف” في فرض التسقيف؟..خبير اقتصادي لـ”كود”: المغرب مطبق الليبرالية الاقتصادية واقتصاد السوق وماشي دولة اشتراكية باش الحكومة تبقا تحدد الأسعار والأرباح”

كود الرباط//

واش فشل وزير الشؤون العامة والحكامة في تطبيق مرسوم تسقيف أرباح شركات المحروقات؟. “كود” سولات خبير اقتصادي محايد، ومعندوش معا لا الشركات ولا مع الحكومة، عطا رأيو الاقتصادي الصرف.

رشيد أوراز، خبير اقتصادي وباحث في المعهد المغربي لتحليل السياسات العمومية، قال لـ”كود” :”حل التسقيف ماشي حل عملي وماشي حل اقتصادي، والوزير الداودي براسو تايعتارف انه كان بغا يبقا يخوف بيه الشركات”.

وأضاف أوراز أن “لمشكلة ف المغرب هو أننا درنا دستور و قوانين وفيها أمور مهمة ولكن الواقع شيء اخر، فمثلا عندنا قانون المنافسة والأسعار ولكن الحكومة عاجزة على انها تدير التطبيق ديالو. طبعا مللي ما قدراتش بدأت تادير الشعبوية باش تبان بحال يلا تادافع على المواطنين، في حين أنها هي غادي تخرج عليهم يلا هملات تطبيق القوانين”.

وتابع المتحدث نفسه بالقول :”المواطن غايستافد اكثر يلا كانت الحكومة مطبقة قانون المنافسة ماشي يلا نزلات عند البياعة والشراية تقول ليهم بشحال ابيعوا وبشحال يشريو المغرب زعما مطبق الليبرالية الاقتصادية واقتصاد السوق وماشي دولة اشتراكية باش الحكومة تبقا تحدد الأسعار والأرباح”.

وزاد الخبير الاقتصادي بالقول :”واخا كاع الحكومة دير التسقيف ما تقدرش تعرف الشركات سحال باش شرات حيث الشركات كثار والسوق طالع نازل، واش دابا الوزارة ادير خدمة السوق؟ الوزارة خاصها طبق القانون وتخلي السوق والتنافس يخدم”.

وجاء في نفس كلامه :”وزايدون ياك عندنا دابا توصيات ديال مجلس المنافسة، راه زعما المجلس فيه الخبراء والاقتصاديين وعارفين اش تايقولو، ومللي ما طامعينش ف اصوات الانتخابية راهم قالو الحقيقة اللي تاتحتارم القوانين د المنافسة. هاد التركيز (الاحتكار) اللي ف السوق خاصو يسالي وخاص شركات جداد يدخلو والمنافسة تكون مضمونة. هادشي اللي الحكومة خاص ديرو”.

موضوعات أخرى

15/11/2019 17:30

هادشي لي كان باغي يدير بنكيران ومخلاوهش..خبراء البنك الدولي لـ”حكومة المغرب”: يجب “حذف صندوق المقاصة” وصرف دعم مباشر للفقراء

15/11/2019 16:00

مصباح الشيخ محمد الفيزازي المضيء دائما! بدرهمين فقط لزوم التمبر. لا يكف الشيخ السلفي عن إغاظة العلمانيبن بالزواج من الفتيات والتمتع بهن في إطار الحلال