كود -وكالات//

واحد الرتيلة برازيلية  (Brazilian Wandering Spider) معروفة بلي القرصة ديالها صعيبة بزاف، ومن بين الأعراض الغريبة والخطيرة اللي كتديرها للرجال هي واحد الحالة طبية سميتها  (Priapism). هاد الحالة كتخلي انتصاب دايم بزاف يقدر يفوت 4 السوايع.

العلماء بداو كيدرسو السم ديالها مزيان وقدرو باش يعزلو منو واحد البروتين سميتو (PnTx2-6). الهدف من هاد الأبحاث كاملة هو يصنعو دواء ثوري جديد لضعف الانتصاب، والمفاجأة هي أن هاد الدواء غادي يكون بديل فعال بزاف للرجال اللي الذات ديالهم مبقاتش كتستاجب للأدوية التقليدية بحال “الفياغرا”، أولا الناس اللي عندهم أمراض مزمنة وميقدروش ياخدوها.

والمفاجأة الكبيرة هي العلماء دابا كيجربوا هاد الدواء الجديد على شكل “جيل” (جل موضعى) كيتدهن مباشرة، هاد الطريقة كتخلي المفعول يكون سريع بزاف وفالبلاصة، وفي نفس الوقت كتجنب الراجل الأعراض الجانبية والمشاكل اللي كيديروها الفانيد للقلب ولا الطنسيون. التجارب الأولية عطات نتائج كتفرح، وفالقريب يقدر هاد “الجيل” يكون هو الحل الرقم واحد فالعالم!