الرئيسية > آش واقع > واش غيتكرر فيها سيناريو كازا وطنجة.. تطوان غرقات بالشتا – تصاور
01/03/2021 17:20 آش واقع

واش غيتكرر فيها سيناريو كازا وطنجة.. تطوان غرقات بالشتا – تصاور

واش غيتكرر فيها سيناريو كازا وطنجة.. تطوان غرقات بالشتا – تصاور

كود//

فالشوارع الرئيسية كيف فالأزقة والدروبا ومختلف الطرقان، تطوان غرقات ديال بالصح بعد ساعات قليلة من الشتا، اللي طاحت فيها بغزارة اليوم الاثنين مع جوايه الظهور.

نشطاء على مواقع التواصل الاجتماعي تداولو صور كتخلع ديال أحياء فالمدينة غارقة بالما والسيول ديال الشتا، منها على سبيل المثال لا الحصر، بوجراح، والكرونة القديمة، وخندق الزربوح، ومكلاثة، وحي طابولة بالقرب من الواد الحار، هذ الأخير اللي قالو معلقين أنه فحالة خطيرة، وأن ماه فاض على الطريق، وهو الواد اللي كان سبق للساكنة تشكاو منو قبل.

والما قطع مجموعة من الشوارع فالمدينة وأوندوماجا بزاف ديال الطوموبيلات، وكاين فيها اللي غرقات كلها فالغيس.

لحد الساعة ماباينش واش هذ الفيضانات تسببات فخسائر بشرية أو مصابين، لكن فجميع الحالات كيبان أن الساكنة عبر مواقع التواصل طالع ليها الدم، وكتحمل المسؤولية للمنتخبين، بسباب البنية التحتية المهمشة دالمدينة.

موضوعات أخرى

20/04/2021 02:00

التلاميذ المصابين ضحايا حادث الفاركونيط بوزان مازالين فمستشفيات طنجة وفعاليات جمعوية وتربوية كتحاول تجمع تبرعات لمساعدتهم..

19/04/2021 23:00

رمضان وكونفينمون (الحلقة 5).. رشيد أيلال فحوار مع “كود”: التراويح بدعة والسنة هي تصليها فدارك.. وقرار الحكومة غير مسؤول حيت مادارتش الحل لصحاب القهاوي