گود سبور//

مازال كاتطغى الهضرة على واش غادي يكون النجم البرازيلي نيمار جونيور مع منتخب بلادو، على النقاش فالبرازيل، اللي طاحو فالگروب الثالث من كاس العالم 2026، مع المغرب وغادي يلعبو ضد المنتخب المغربي اول ماتش فلاكوب ديموند.

ونشر موقع “فوت ميركاتو” الفرنسي تصريح الطالياني كارلو انشيلوتي مدرب منتخب البرازيل، كايهضر فيه على نيمار وواش غادي يكون فمونديال 2026، وقال: “واش كاتقلقني الهضرة على نيمار فكل ندوة صحافية؟ لا ما كايقلقنيش هذا الشي، نيمار صنع التاريخ فالكورة البرازيلية ومازال، وهو موهبة كبيرة، وشي حاجة طبيعية يفكرو الناس انه قادر يعاونا نربحو كاس العالم اللي جايا”.

ووضح انشيلوتي: “نيمار دابا كيخضع للتقييم من طرف الاتحاد البرازيلي لكرة القدم ومن عندي، ومازال قدامو شهرين باش يبين ان عند المؤهلات المطلوبة فكاس العالم اللي جايا”.

وكمل انشيلوتي: “نيمار قادر يرجع للياقة البدنية ديالو، وهذا الشي قلتو شحال من مرة، وانا غادي نعيط على اللاعبين اللي واجدين بدنيا”.