الرئيسية > كود سبور > واش غادي يكون عندنا شي حظوظ فهاد الكان. وحيد: حنا من لفراقي المرشحة وما عندناش شي تاريخ غني بحال لخراين فالكان وسايس: كل ماتش كومبا وغاديين نعطيو 200 بالمائة من جهدنا
09/01/2022 14:00 كود سبور

واش غادي يكون عندنا شي حظوظ فهاد الكان. وحيد: حنا من لفراقي المرشحة وما عندناش شي تاريخ غني بحال لخراين فالكان وسايس: كل ماتش كومبا وغاديين نعطيو 200 بالمائة من جهدنا

واش غادي يكون عندنا شي حظوظ فهاد الكان. وحيد: حنا من لفراقي المرشحة وما عندناش شي تاريخ غني بحال لخراين فالكان وسايس: كل ماتش كومبا وغاديين نعطيو 200 بالمائة من جهدنا

كود ياوندي ///

اليوم فالندوة الصحافية اللي دارها مدرب الاسود وحيد خاليلوزيتش فملعب احمدو احيدجو بياوندي الكاميرونية سولوه على واش عندنا حظوظ فهاد الكان. وحيد بطريقتو العقلانية رد “حنا من لفراقي المرشحة” ثم اكد باللي حنا “ما عندناش شي تاريخ غني بحال لخراين فالكان”.

بخصوص المجموعة 3 اللي فيها الاسود مع غانا والقمر والكابون قال وحيد “باش كيأهل للكان ولكاس العالم ما كتبقاش لفراقي الصغار. مجموعتنا قوية بزاف وفيها فراقي مزيانين”.

واكد باللي كاينة تكهنات باللي المغرب يقدر يمشي بعيد. هو المدرب مع هاد التكهنات حقاش بالنسبة ليه “خدمنا مزيان” و”بعد اكثر من عامين ما عمرني شفت كلشي خدام مزيان بحال دابا” ثم ذكر باللي “الوضعية الصحية وبعض الاصابات تقدر تؤثر على المنتخب ديالنا والمنتخبات الاخرى”.

وحيد قال باللي المنافسة “غادية تكون طويلة” لكنو كرر باللي “كلنا طموح باش نخدمو” وباش يفرحو الشعب المغربي “لمغاربة كيتسناو منا كوب مزيان”.

العميد غانم سايس قال فنفس الندوة الصحافية باللي “لمغاربة كيتسناو منا نعطيو 200 بالمائة من جهدنا” ووعد باش اللعابة يعطيو فكل ماتش.

العميد رجع شوية اللاور وقال باللي الاعداد كان شوية مخربق. ما كانتش الماتشات اميكال وماشي كاع اللعابة بداو الاعداد مجموعين واخا هاكاك قال “غادية تكون كومبا فكل ماتش. غاديين نضاربو على الصدارة”.

باش يضاربو على الصدارة خاصهم يربحو غدا. خاصة كيف قال العميد٬ الملعب مزيان “البولوز مزيانة حسن من فين كندربو. كنفضلو نلعبو بسرعة فهاد البولوز كيلائمنا”.

موضوعات أخرى