الرئيسية > كود سبور > واش غادي يقبل السلامي عرض اتحاد طنجة ولا كيستنى الرجا
09/11/2019 20:00 كود سبور

واش غادي يقبل السلامي عرض اتحاد طنجة ولا كيستنى الرجا

واش غادي يقبل السلامي عرض اتحاد طنجة ولا كيستنى الرجا

كود سبور//

علمت “كود”، أن اللجنة المؤقتة لاتحاد طنجة بدأت مشاوراتها، باش تجيب جمال السلامي يدرب الفريق حتا العام الجاي على الأقل.

مسؤولي الفريق الطنحي اتصلوا بالسلامي، مباشرة بعد تعيين اللجنة المؤقتة، واقترحوا عليه يدرب الفريق، واتفق الطرفان على عقد اجتماع قريب، باش يحطوا النقاط على الحروف.

اتحاد طنجة كيحاول كل ما في وسعه من أجل التعاقد مع السلامي، لأنه شاف فهاد المدرب هو، اللي قادر يخرجو من أزمة النتائج.

وحسب مصادر مطلعة، فإن السلامي طلب مهلة للتفكير. ما بغاش يزرب.

وحسب مصادر مقربة، فإن مهمة اتحاد طنجة في التعاقد مع السلامي ماغديش تكون سهلة لحقاش حتا الرجاء البيضاوي باغي يجيبو الا مشى المدرب باتريس كارتيرون بحالو.

السلامي توصل ببعض العروض بعد انفصاله عن الجامعة الملكية المغربية لكرة القدم، لكنه ما بغاش يدرب حتا فريق، ربما كيستنى شي حاجة احسن.

الرجاء البيضاوي بدا كيفكر رسميا في كيفية الاستغناء عن الفرنسي باتريس كارتيرون، خصوصا بعد الهزيمة أمام يوسفية برشيد اليوم السبت بثلاثة لجوج.

موضوعات أخرى

07/07/2020 21:30

دراسة على المغاربة فالحجر الصحي: 62 ماعجباتهمش القرايا من الدار و88 فالمية جاتهم الخدمة من الدار صعيبة و17 فالمية وقعو ليهم مشاكل عائلية