أميمة عطية – كود كازا ///

دعا الاتحاد الأوروبي منصات ميتا وتيك توك باش يزيرو على الأخبار د لكدوب والمعلومات الغالطة، خصوصاً فالأوقات اللي كتكون فيها الأزمات، وهادشي من بعد الأحداث  اللي عرفتها مدينة سبتة السيمانة اللي فاتت.

المفوضية الأوروبية قالت فهاد السياق ، بلي مسؤولة الملف الرقمي، هينا فيركونن، ناقشت نهار الجمعة مع ممثلي المنصات الإجراءات اللي خاصها دار باش ينقص انتشار هاد المحتوى على مواقع التواصل الاجتماعي.

وجات هاد الدعوة من بعد ما سركلات الإشاعات على الإنترنت، ولي من بينها الخبيرات لي كانت كتقول بلي باب سبتة محلول، وهي المعلومة اللي درعات دغيا كبيرة وساهمات، حسب تقارير، فتحرك أعداد كبيرة من الحراگة باش يدخلو لسبتة.

وقالت فيركونن بلي المنصات الرقمية خاصها “تتحرك بالمعقول” باش تحافظ على سلامة الفضاء الرقمي، وتكتر عمليات الرصد والتعاون بشكل كبير مع لي كيتبعو الحقائق.

وزات ضافت ، أن الاتحاد الأوروبي غادي يتابع هاد الملف في الأيام لي جايا ، فإطار المجهودات لفهم كيفاش انتشرت هاد المعلومات وأثرات على الأحداث.