وكالات//

صدرات منظمة الصحة العالمية تحذيرات جديدة على ود الانتشار الكبير لواحد المتحور جديد من فيروس كورونا سميتو JN.1 ولي بدا كينتاشر ف العالم كامل.

وصنفات المنظمة هاد المتحور الجديد بأنه مثير للاهتمام وقالت إنه منفصل عن الفيروس الأم لي سميتو BA.2.86.

وقالت بللي هاد الفيروس شديد العدوى وكينتاشر بزاف بين الناس حينت عندو واحد القدرة على مراوغة المناعة.

كما طلبات منهم أنهم ياخدو كاع الاحتيطات اللازمة بحال لي كنا كنديرو فوقت كورونا، وأولها الكمامة.

واخا أن المخاطر ديالو منخفظة، على حساب التقييم ديال الخبراء د المنظمة، إلا أنهم كيقولو أنها تقدر تدير التهابات ومشاكل ف الجهاز التنفسي خاصة بالنسبة لي كيعانيو من أمراض تنفسية.