الرئيسية > آش واقع > واش غاديين يوليو نباتيين. صراعات بين الطائقة خلات اليهود لمغاربة بلا لحم من هادي شهر. بيريگو جاب صاحبو وترونات
12/01/2022 09:30 آش واقع

واش غاديين يوليو نباتيين. صراعات بين الطائقة خلات اليهود لمغاربة بلا لحم من هادي شهر. بيريگو جاب صاحبو وترونات

واش غاديين يوليو نباتيين. صراعات بين الطائقة خلات اليهود لمغاربة بلا لحم من هادي شهر. بيريگو جاب صاحبو وترونات

كود كازا ///

كاينة مشكلة كبيرة من هادي شهر عند اليهود المغاربة. مشكلة كتعلق باللحم حقاش ما عندهمش اللي كيدبح ليهم باش يولي هاد اللحم حلال.

هاد المشاكل بدات من مدة. فنونبر 29 نونبر اللي داز عين بيرديگو صاحبو جوزيف اسرائيل ك”بيث دين” وهو المسؤول علي “الكاشروت”. الطبعة الحلال ديالهم. غير هو من هاديك الفترة يالله دارت عملية دبح وفق الطقوس اليهودية وكانت ف14 دجنبر 2021

من هادي شهر ما دارتش شي عملية اخرى للدبيحة حلال. يعني ما بقى لحم لهاد الطائفة من المواطنين المغاربة. اللحم عند مواطنينا هادو راه مهم بزاف بزاف. مركزي فكاع الاطباق. كلشي باللحم. هو الرئيسي سخينة اللي هي وجبة شباط.

يهود لمغاربة كيحملو هاد الشي لبيريگو. راه كل ثلاث كان كتكون الدبيحة٬ كيتاهموه باللي غير نظام مغربي بنظام اخر وولى كيجيب گزار من برا كيف دار اخر مرة باش جابو من الصبليون باش يدير الدبيحة.

الصراع الاصلي كاين بين بيرديگو والحاخام بينتو وهادي نتائج ديالو. من نهار بدا سيرج يهتم بالكاشير بدات المشاكل. قبل كانت حصرية علي بينتو.

دابا يهود كيسولو السلطات المحلية فكازا على هاد الشي وبيرديغو ما مسوقش لهاد السلطات. كيتعامل غير مع صحاب الرباط واللحم ما كاينش.

هاد الشي راه ما كيتعلقش غير بالمغاربة مالين الديانة اليهودية راه كيتعلق بالاف السياح اليهود اللي مرشح يزورونا خاصة من اسرائيل. ها علاش الرهان كبير بزاف

موضوعات أخرى

27/01/2022 15:30

قاضي التحقيق فإسبانيا مزال كيحقق مع وزيرة الخارجية السابقة فطريقة دخول زعيم البوليساريو لإسبانيا بهوية وپاسپور مزورين

27/01/2022 14:30

خاص. “كود” فرحلة ف”دجيت بريڤي” باش تدخل لبلادك. كيفاش بوريطة كيساهم فقتل ف”لارام” وكيهلك ميزانية مغاربة المغرب والعالم وكيغني تجار “كورونا”. شهادات مغربي من هولندا خسر لملاين باش يدفن امو وايطالية تسخسخات باش ترجع لخدمتها – تصاور